Matyu 7:21 - Aria New Testament

²¹ “Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Matyu 7:21 ပူးပေါင်းရင်းမြစ်များ

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 18:19

“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due.

Matyu 18:3

Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok.

Matyu 18:35

Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”

Matyu 19:24

Ngawai ke umu blang langane. Langka ongwa omba langka kamel waiki sep ke bitna ke nil sisirngen ina are langka gute ka ila mani pula waiki sep ke omur heven ka Ida Tapolngon plaue. Isak orwo engil lokono.”

Matyu 25:10

E alo ka isak dau kla tikli wel gute ka ma gi polou e apmang elme ka tidong redi tisep ke ninu kap iye ma tingen gingen ina rogo. Deka tidiva ninu ina ekreng bitna.

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Matyu 26:42

E aling orwo iye la isuk boto e wai itau langane. “Livou langka elio soulu ane karanga songon ngong kovok lama nganamani ine ngawaiki ngadidi aitno lugom.”

Mak 3:35

Gute sei ka didi Ida Tapolngon aitno iye ngau aiver e luku e nina.”

Mak 9:47

“Langka omtomu gesa due umu umodue elio epmes ina ine ma umepie la vala. Langka umepi omtomu kene la deka umodue elio epmes ina kovok batne iye dong kovok are itau. Kesua mase ma umodong ke omur ka Ida Tapolngon plaue deka ma lumu mosongon ka itau dong vala dong. E langka omtomu orwo tidong deka umodue elio epmes ina bitna bitna ine e mase umala umokluk ke omur hel are soulu lokono.

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Luk 13:25

Alo ka ninu ina gute tito e diva ninu ina ekreng bitna ma umevri ke dogur e lupmu nopolpol ke ekreng bitna e umawai langane. ‘Puda omklok ekreng bitna ke imi.’ E ma iye koli wai ke umu langane. ‘Ngaile umu kovok e ngaile lumu omur batne kovok.’

Luk 18:25

Langka ongwa omba langka kamel waiki sep ke bitna ke nil sisirngen ina are engil sasi boto e langka osep ka urok mani pula tiwaiki tisep ke omur ka Ida Tapolngon plaue are engil lokono.”

Luk 6:46

“Umawai ke ngong langane. ‘Puda Puda.’ E dau umedidi lou pelengon kovok.

Jon 14:7

E langka umeile ngong itau umeile Livou blang. E oku ane e la ine umeile iye kodong e umavati iye kodong.”

Jon 15:23

Gute ka aitno engil e amnga ke ngong aitno engil e amnga ke Livou blang.

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Jon 5:17

Deka Yesus wai ke isak langane. “Aling aling Livou due elio langane e ngong blang ngadue langane.”

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 2:13

Ida Tapolngon vati osep ka tididi Moses ila sogongon keniye tipolou itau e osuk ke bitna. E osep ka tiklingen ila pelengon e tididie kovok tipolou soulu.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 4:3

Ida Tapolngon waiki umodue langane. Umodue elio itau vala e umodong itau e umoulou ke elio okwa.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 4:6

Oglou osep ka tiklingen Ida Tapolngon ila omon itau tipul dogur ine. Deka ma tisep ke omur ka tikaranga timtong ine kovok. E oku ane osep ka tiklingen omon itau e aitno lisak la dagar ine tikaranga tisep ke omur tonari.

Jems 1:22

Umoklingen Ida Tapolngon ila pelengon e umemeit ine. E umoklingen ine vala kovok. Kesua langka umoklingen ine vala umakaranga umayak umu ine.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

Pelengon kukwopngon 2:27

Deka ma iye plau isak ke wan langka matu ka tidue ke ain e iye ma bakbak isak aren aren langka gute bakbak ulo. Ma ngakar iye arit eriar langka arit ka livou kare ke ngong e ngaplau osep ka pula keniye ine.

Pelengon kukwopngon 22:14

Osep ka tigrong urok molo ka alang ma aitno lisak itau itau. Kesua tikaranga tidue wan otna ke akai ka mosongon ina e ma tikaranga tisep ke armok ke ina ekreng bitna.

Pelengon kukwopngon 3:5

“Gute ka mole elio soulu ma ngakaranga ngakar iye klos ka okou langka osep tonari deka ngapi angaine ke buk ke mosongon itau ka dong vala dong kovok. Aurou. Ma ngawai iye lou gute ke Livou bitna e ke ila ensel amtarsak blang.