Matyu 7:15 - Aria New Testament

¹⁵ “Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Matyu 7:15 ပူးပေါင်းရင်းမြစ်များ

Matyu 10:17

Umaplau umu itau kesua osep ma tidue umu umodong ke osep kaunsil ina amtarsak e ma tiules umu ke urok duningen ina ninu.

Matyu 16:11

Ina lange umakaranga umeile kovok ngawai ke umu ke bret kovok. E umaplau umu itau ke osep Farisi ina e osep Sadyusi ina inarak yis.”

Matyu 16:6

E Yesus wai ke isak langane. “Umaplau umu itau ke osep Farisi ina e osep Sadyusi ina inarak yis.”

Matyu 24:11

E osep napaprangan yakngan ina pula ma tipolou e tidue osep pula tididi elio soulu.

Matyu 7:14

E ekreng bitna ka mosongon ina daudeng lokono e ekreng are engil lokono ma itedidie. E osep awal boto vala tididie.”

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 6:26

Aisudo ke umu alo ka osep ka pula keniye tikakai angainmu kesua oglou ari urok seia tidue elio langane ke osep napaprangan yakngan ina.”

Jon 10:12

Gute ka boko ke mani vala vati gemle kevena me e songon sipsip e ulou la. Deka gemle kevena ma due sipsip kene e sipsip leklou tidardar kla. Gute tonari ulou la kesua iye boko ke mani vala e iye sipsip inarak plaungan ka iye inarak gute kovok.

Aposel 13:40

Osep umeile umu itau lama elio polou ke umu langka oglou osep napaprangan ina tisogo ine.

Aposel 13:6

Tilila ke aidunu Saiprus la lama tipolou ke armok Pafos. Deka ari tisoson gute Yuda ina ka gute borou timla. Gute tonari angaine Barjisas e iye gute napaprangan yakngan ina.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 5:6

Umeile umu itau lama osep leklou tipagolgol aitno lumu ke pelengon yakngan. Lama tipagolgol aitno lumu e umodue elio epmes ina bitna bitna. Kesua Ida Tapolngon aitno engil lokono ke osep ka tidue elio epmes ina bitna bitna e tiklingen ila pelengon kovok.

Filipai 3:2

E umeile umu itau. Kesua osep leklou tidong langka gemle kevena e tidue elio soulu. Osep tonari tiwaiki umebisik tarna lumu.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 16:13

Aki Yufretis amsa deka ngavati wan eklu langka ansak soulu ka amtarsak langka bael tipolou ke mota ombatno e ke ongwa kevena kene ina e ke gute napaprangan yakngan ina orsak.

Pelengon kukwopngon 17:6

Deka ngavati apmang tonari inim Ida Tapolngon ila osep inarak marau. Timluk osep tonari ma timete kesua aitno lisak dagar ke Yesus e tididi iye. Ngavati apmang tonari inim osep inarak marau deka langka bitna balilu ine deka ngadigrik e aitno lungong mter pula ine.

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.