Matyu 7:14 - Aria New Testament

¹⁴ E ekreng bitna ka mosongon ina daudeng lokono e ekreng are engil lokono ma itedidie. E osep awal boto vala tididie.”

Matyu 7:14 ပူးပေါင်းရင်းမြစ်များ

Matyu 20:16

E Yesus wai langane. “Osep ka time batne oku ane ma timgo e osep ka timgo oku ane ma time batne.”

Matyu 22:14

E Yesus wai blang langane. “Ida Tapolngon gi ke osep pula ma tisep ke omur ka iye plaue e dau iye rere osep awal boto vala ma tisep ke omur tonari.”

Matyu 7:13

“Umesep ke ekreng bitna ka daudeng. Kesua ekreng bitna ka la ke omur agegeng ina omba e ekreng ke omur tonari ina op omba e osep tilila ine molil molil. E osep pula tididi ekreng tonari.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Mak 8:34

Deka Yesus gi osep pula kap ila disaipel ma time tipolou ke iye deka iye wai ke isak langane. “Langka gute gesa waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 9:32

Kesua isak kensak kensak tididi urok elio ka tiwaiki due isak tipolou itau e osuk ke Ida Tapolngon bitna. E aitno lisak dagar ke iye kovok. Urok elio eriar langka osep ka kamsak tinepir ke opmu gesa e tigene ine.