Matyu 7:11 - Aria New Testament

¹¹ Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

Matyu 7:11 ပူးပေါင်းရင်းမြစ်များ

Matyu 23:9

E umesir gute silang ke taklak ane ‘livou’ kovok kesua Pmomu kene dong ke omur heven.

Matyu 7:10

Koke langka iye pmi umu ke lodu ma umakar mota ke iye? Aurou.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Pas ka Pol sogoe uti la ke osep Rom ina 3:19

E iteile omur Moses ila sogongon plau osep Yuda ina ka pula keniye. Moses ila sogongon tonari dong e dangdang osep pula ka tididie ka tiwaiki tibisi ke urok elio epmes ina. Deka osep ka pula keniye urok elio soulu vri ke isak ke Ida Tapolngon bitna.

Pas ka Pol sogoe uti la ke osep Rom ina 3:9

­E aitno lumu lange? Aitno lumu mter imi osep Yuda ina imomole osep ka isak osep Yuda ina kovok? Aurou. Imomole isak kovok. Kesua osep ka pula keniye ka imi osep Yuda ina e osep ka isak osep Yuda ina kovok udo elio epmes ina dau munu pes ite.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.