Matyu 6:5 - Aria New Testament

⁵ “E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Matyu 6:5 ပူးပေါင်းရင်းမြစ်များ

Matyu 21:22

Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Matyu 23:6

E tiwaiki tidong ke omur ka osep tidue anit ine ke rogo e tiwaiki tidong ke kova ka itau lokono alo ka tidong ke duningen ina ninu.

Matyu 6:1

Yesus wai blang langane. “Umaplau umu itau lama umodue elio itau ke osep amtarsak ma osep tipalem umu vala. Langka umodue langane Pmomu ka dong ke omur heven ma kar kerengen ka itau ka omur heven ina ke umu kovok.”

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:2

“Alo ka umakar mani ke osep ka urok wan isuk boto vala umodue kuliep wai mgo ke umu kovok. Osep ka aitno lisak orwo tidue langane ke duningen ina ninu e ke ekreng ma osep tipalem isak e tikakai angainsak. Ngawai lokono ke umu langane. Tidue urok klingen ine kodong.

Matyu 9:38

Umepmi Upu Puda ka plau ngangon ina pingen ma iye pagei osep bokongon ina kla ma tipi ngangon tonari.”

Mak 11:25

Alo ka umevri umawai itau ke Ida Tapolngon mgo umasak elio soulu ka osep leklou tidue ke umu. Umodue elio langane deka Pmomu ka dong ke omur heven ma sak lumu elio epmes ina bitna bitna ka umodue.”

Mak 12:38

Yesus parere osep e wai ke isak langane. “Umaplau umu itau ke osep ka tile itau ke Moses ila sogongon e umakana urok elio bitna bitna sakam. Tiwaiki titnei urok molo ka alang e tilila e tiwaiki osep tikakai angainsak tito. Tiwaiki tidong ke bilmu ma osep tiwai ‘oklou itau’ e tipakuru isak ke osep amtarsak.

Luk 11:43

Aisudo ke umu osep Farisi ina. Kesua umawaiki umodong ke bota itau alo ka umodong ke duningen ina ninu e umawaiki osep tiwai ‘oklou itau’ e tidue anit ke umu ke bilmu.

Luk 18:1

Deka Yesus wai pelengon ano ke ila disaipel ma tile langane. Aling aling ma tiwai itau ke Ida Tapolngon e meingen isak ine kovok.

Luk 18:13

E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 20:47

Tiwai ka apmang ka sasap batne e tiyak isak e tipanako urok ninu ninu e urok wan bitna bitna. E silang blang alo ka tiwai itau ke Ida Tapolngon tiyakyak e tiwai tauni kesua tiwaiki osep pula tipalem isak. E elio ka Ida Tapolngon mulu osep ka tidue langane ma mole elio ka iye mulu osep leklou.”

Luk 6:24

“E aisudo ke umu ka lumu mani pula dong kesua umodue lumu wan ka itau ke taklak ane kodong.

Jon 16:24

Oglou me iding ke oku ane umepmi Ida Tapolngon ke wan gesa batne ke ngong kovok. E oku ane umepmi Ida Tapolngon ke wan gesa e ma umodue wan tonari ma lumu ketirngen pula lokono.”

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

1 Tesalonaika 5:17

E aling aling umawai itau ke Ida Tapolngon.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”