Matyu 6:13 - Aria New Testament

¹³ Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Matyu 6:13 ပူးပေါင်းရင်းမြစ်များ

Matyu 26:41

Umaplau umu itau e umawai itau lama Satan tok umu e umodue elio epmes ina kesua aitno lumu waiki due elio itau e dau pampamu lumu waiki due elio itau kovok.”

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 5:37

E alo ka umawai io umawai ‘Ee’ koke ‘Aurou’ vala. E langka umawai pelengon silang io pelengon tonari batne ke Satan.”

Matyu 6:10

Imawaiki omur ka amplaue me ke taklak ma osep taklak ina tini wom langka osep heven ina tini wom.

Jon 17:15

E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

1 Korin 14:16

Deka langka umawai tokples gesa ka osep tile ine kovok e umawai ke Ida Tapolngon langka aitno lumu itau ke wan gesa. E langka gute gesa dong e iye ile tokples ka umawai ine kovok lange ma iye ile langka umawai aitno lumu itau ke Ida Tapolngon ke wan gesa e iye karanga wai lokono ke lem pelengon? Kesua iye ile ke pelengon ka umawai ine kovok.

2 Korin 1:20

Kesua Ida Tapolngon ila promis pula dong ke Krais e iye wai “Ee” ke ila pelengon dagar keniye Deka imawai “Lokono” ine e imakakai Ida Tapolngon angaine tito la egim.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

Hibru 11:36

E osep leklou tiwai apok ke osep ka aitno lisak dagar ke Ida Tapolngon. E tiules osep leklou e tipou osep leklou ke sen e tidue isak tisep ke kalabus.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 19:1

E mase ngaklingen wan lang-ka osep ka tidong ke omur heven kre lisak tiwai omba langane. “Itakakai Ida Tapolngon angaine tito la egim. Ida Tapolngon lua ite ke udo elio epmes ina. Iye itau lokono e ila arit ombatno lokono.

Pelengon kukwopngon 19:4

Deka osep namormor isorwo apanal kap wan apanal ka tidong langka ansak dong lisak tigrum kamsak e tilotuim Ida Tapolngon ka dong ke ila kova. E tiwai langane. “Lokono. Itakakai Ida Tapolngon angaine tito la egim.”

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 21:4

Iye ma sak osep amtarsak olune e ma tikngis blang kovok e ma aitno lisak kro ke wan bitna bitna kovok. E silang blang ma tarna lisak doro doro blang kovok e metengen yagos. Kesua wan bitna bitna keniye ka tidong ke oglou isak yagos kodong.”

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.

Pelengon kukwopngon 5:13

E ngaklingen pelengon ke wan ka pula keniye ka Ida Tapolngon due isak ka tidong ke omur heven e ka tidong ke taklak e ka tidong ke taklak aitno e ka tidong ke aki. Ngaklingen wan ka tidong ke omur ka pula keniye tiwai langane. “Gute ka dong ke ila kova e Sipsip Otno urok arit ombatno e aitno lite itau ke isak e itakakai angainsak e aling aling itodue anit ke isak.”