Matyu 6:12 - Aria New Testament

¹² Amsak limem elio soulu e omlua imi ma imasak elio soulu ka osep tidue ke imi.

Matyu 6:12 ပူးပေါင်းရင်းမြစ်များ

Matyu 26:28

Kesua wan ane ngau marau ka la ke Ida Tapolngon ila kontrak ka iye wai e ma iye didie. E ma ngau marau baser ma sak osep urok elio epmes ina.

Matyu 9:2

E osep tipaur gute ka kamla e limla timete ka iye munu ke omoi ke Yesus. Alo ka Yesus vati osep aitno lisak ila dagar iye wai ke gute tonari langane. “Lou aten aitno lugom kro kovok. Ida Tapolngon sak lem elio epmes ina kodong.”

Mak 11:25

Alo ka umevri umawai itau ke Ida Tapolngon mgo umasak elio soulu ka osep leklou tidue ke umu. Umodue elio langane deka Pmomu ka dong ke omur heven ma sak lumu elio epmes ina bitna bitna ka umodue.”

Luk 11:4

E amsak limem elio epmes ina e omlua imi ma imasak elio soulu ka osep tidue ke imi. E silang omsongon tokngon ma polou ke imi kovok.’”

Luk 13:4

Koke aitno lumu mter ke osep songotno lumeklu ka timete alo ka ninu ka dong egim alang ka dong ke omur Siloam gene duru ke isak. Aitno lumu lange? Urok elio epmes ina mole osep Jerusalem ina leklou urok elio epmes ina koke aurou?

Luk 6:37

“Umawade osep leklou urok elio kovok deka Ida Tapolngon ma wade lumu elio kovok blang. Umomulu osep leklou kovok deka Ida Tapolngon ma mulu umu kovok blang. Umasak osep urok elio soulu ka tidue ke umu deka Ida Tapolngon ma sak lumu elio soulu blang.

Aposel 13:38

Sipmi. Umoklingen lou pelengon. Gute Yesus karanga lua umu ke lumu elio epmes ina batne ke iye.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Efesus 4:32

Umodue elio itau vala ke osep e umodue mada ke isak ma aitno lumu itau pulu. Umasak elio soulu ka osep tidue ke umu eriar langka Ida Tapolngon sak lumu elio soulu e klok lumu elio epmes ina. Kesua Krais dong.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.