Matyu 6:10 - Aria New Testament

¹⁰ Imawaiki omur ka amplaue me ke taklak ma osep taklak ina tini wom langka osep heven ina tini wom.

Matyu 6:10 ပူးပေါင်းရင်းမြစ်များ

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 26:42

E aling orwo iye la isuk boto e wai itau langane. “Livou langka elio soulu ane karanga songon ngong kovok lama nganamani ine ngawaiki ngadidi aitno lugom.”

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 4:17

Alo ari Yesus nogrum e napapra langane. “Umabauluk aitno lumu ke lumu elio epmes ina kesua omur ka Ida Tapolngon plaue isuk boto polou.”

Matyu 7:21

“Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Mak 11:10

Gute ka me ane iye Devit ka oglou vri mgo ke osep ila napakngan gesa. Bitna langka oglou Devit vri mgo ke osep e plau isak ma iye vri mgo ke imi e ma plau imi. Aitno limi itau itau ke iye e imakakai Ida Tapolngon angaine tito la egim lokono ine.”

Mak 3:35

Gute sei ka didi Ida Tapolngon aitno iye ngau aiver e luku e nina.”

Luk 19:11

Alo ka osep tiklingen pele-ngon tonari Yesus wai pelengon ano ke isak. Kesua iye dong olwo boto ke Jerusalem e osep aitno lisak mter omur ka Ida Tapolngon plaue ma suong polou malak ke taim ari.

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Luk 22:42

E iye wai itau langane. “Livou langka aitno lugom itau ine ngawaiki amdangdang elio soulu ma tipolou ke ngong kovok. E dau ngawaiki emdidi aitno lungong ine kovok e ngawaiki emdidi aitno lugom ine vala.”

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 13:22

Sol vri mgo ke isak tobor isapanal deka Ida Tapolngon pli iye e rere Devit ma iye kasip Sol amune. Ida Tapolngon wai ke Devit ila elio isuk isuk langane. ‘Devit ka Jesi otno arang iye lana iye omba lokono ke ngong e didi aitno kovok. E iye didi aitno lungong vala.’

Aposel 21:14

Pol wai dagar langane deka imeile limem pelengon mter aitno kovok. E imawai langane. “Aurou. Emdidi Ida Puda aitno vala.”

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Kolosi 1:13

Oglou elio epmes ina ila arit plau ite e eknikane Ida Tapolngon ka iye lana iye ke Otno Arang lua ite ke udo elio epmes ina e due ite itodong ke omur ka Otno Arang plaue.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

1 Tesalonaika 4:3

Ida Tapolngon waiki umodue langane. Umodue elio itau vala e umodong itau e umoulou ke elio okwa.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 10:7

Deka ngawai ke wom langane. Ngadong ane e ngame ma ngadue elio ka amwaiki ngadue. Eriar langka oglou osep napaprangan ina tisogoe.”

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”

Pelengon kukwopngon 12:10

Deka ke omur heven nga-klingen gute kreine wai omba langane. “Eknikane Ida Tapolngon lua ite e ila arit polou malak e iye dong plau osep ka pula keniye. E gute ka ila Krais ka oglou iye rere ma iye me lua osep ke urok elio epmes ina polou malak blang. Deka tisapir gute ka sin elio vri ke Ida Tapolngon ila osep ke Ida Tapolngon bitna ke oklou e epmes ke omur heven e tiuri iye duru ke taklak.

Pelengon kukwopngon 19:6

Deka ngaklingen ngusngon langka osep pula kre lisak. E ngusngon tonari langka aki nosur omba koke langka aragu nogrum omba. Tiwai omba langane. “Itakakai Ida Tapolngon ka iye Ida Puda blang angaine tito la egim. Kesua ila arit ombatno lokono e iye plau wan ka pula keniye.

Pelengon kukwopngon 20:4

Deka ke omur heven ngavati kova pula e osep tidong ke isak ka Ida Tapolngon kar arit ke isak ma tiwade osep ka pula keniye urok elio isuk isuk. E silang blang ngavati ansak ke osep ka aitno lisak dagar ke Yesus e tipalongo osep ine e tidong dagar ke Ida Tapolngon ila pelengon. Oglou tilotuim ongwa kevena kene ina e ila sapingen kovok e tidue ila nisngen ke bara lisak koke limsak kovok. Deka ke batne langane osep tiblou otuk lisak ma timete. Timete deka Ida Tapolngon due isak tidong blang e tidong langka osep plaungan ina kap Krais la lama iding ke tobor 1,000 mela yagos.