Matyu 6:1 - Aria New Testament

¹ Yesus wai blang langane. “Umaplau umu itau lama umodue elio itau ke osep amtarsak ma osep tipalem umu vala. Langka umodue langane Pmomu ka dong ke omur heven ma kar kerengen ka itau ka omur heven ina ke umu kovok.”

Matyu 6:1 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:6

E Yesus wai ke isak langane. “Umaplau umu itau ke osep Farisi ina e osep Sadyusi ina inarak yis.”

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 5:46

Langka umu lana umu ke osep ka isak lana isak ke umu vala ina lange ma umodue wan ka itau ke Ida Tapolngon? Osep ka tidue takis ke osep tidue langane blang.

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Mak 8:15

Deka Yesus palongo urok langane. “Umeile umu itau ke osep Farisi ina e gute Herot urok yis e aitno lumu mter itau ine.”

Luk 11:35

Deka umaplau umu itau lama esluk ka bublo ke pampamu lumu polou aivoro.

Luk 12:1

E alo ari osep pula pula langka tausen tausen tiduni pulu are e kamsak tipes pulu. Deka Yesus wai ke ila disaipel langane. “Umaplau umu itau ke osep Farisi ina urok elio ka langka yis. Yis tonari elio ka aitno lisak orwo e tiwaiki tiyak osep ke urok elio lokono.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Jon 12:43

Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.

Jon 5:44

Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Aposel 3:12

Pita vati osep tonari deka ile omur tidigrik deka iye wai ke isak langane. “Umu osep Israel ina ina lange umedigrik ke elio ane? Ina lange omtomu nekek dagar ke imi? Aitno lumu lange? Aitno lumu mter elio ka gute ane lila ina poloungon batne limem arit koke limem elio itau koke lange?”

Galesia 6:12

Umoklingen. Osep ka isak arit isak lokono ka tidue elio ulangngan ina ke umu tidue langane kesua tiwaiki tikakai angainsak ke osep leklou amtarsak. E tidue langane kesua tiwaiki osep leklou tile langane kovok. Aitno lisak dagar ke Krais ka mete ke ina akai. E tiwaiki osep tidue agegeng ke isak ine kovok.

Hibru 11:26

Aitno mter langane. Langka ngong mnak ngong batne aitno lungong la ke gute Krais ka Ida Tapolngon wai dagar ma iye pagei me deka elio ane mole brokngon ka pula keniye ka dong ke omur Isip. Moses aitno mter langane kesua aitno mter mase ma Ida Tapolngon kar ila kerengen ka itau lokono ke iye.

Hibru 2:1

Deka ma itekis pelengon tonari dagar e amtada uli ine kovok.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

2 Jon 1:8

E umaplau umu itau lama wan ka imoboko engil ine imina ke umu. Umaplau umu itau ma umodue kerengen ka didi lumu bokongon.