Matyu 5:9 - Aria New Testament

⁹ “Osep ka tidue osep leklou aitno lisak tipolou epen pulu aitno lisak itau itau kesua ma osep tisir isak Ida Tapolngon titno.

Matyu 5:9 ပူးပေါင်းရင်းမြစ်များ

Matyu 5:45

Umodue langane ma umodong Pmomu ka dong ke omur heven titno umu. Kesua iye due oklou tito ke osep ka itau e osep ka soulu e iye due aragu duru ke osep ka tidong itau ke bitna e ke osep ka tidong itau ke bitna kovok.

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Luk 20:36

E tikaranga timete blang kovok kesua tidong langka Ida Tapolngon ila ensel. Isak Ida Tapolngon titno kesua iye due isak tipoga titito ke inarak denga.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Aposel 7:26

Oklou silang Moses polou ke sisrok blang e vati sisrok orwo timke pulu. E iye waiki lua isak deka wai langane. ‘Osep. Ina lange umemke umu pulu kesua lumu osua kene?’

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Pas ka Pol sogoe uti la ke osep Rom ina 8:14

Osep ka Ida Tapolngon Ano Itau plau isak itau isak Ida Tapolngon titno.

Pas ka Pol sogoe uti la ke osep Rom ina 8:16

Ite kente kente itesir Ida Tapolngon Livou kesua ite titno ite. E Ano Itau ka dong ke aitno lite kodong wai ke ite kente kente ine blang langane. “Wom Ida Tapolngon otno gesa.”

Pas ka Pol sogoe uti la ke osep Rom ina 8:19

Eknikane Ida Tapolngon ila duengen keniye dong e para ke alo ka iye nis osep ka pula keniye ke osep ka isak Ida Tapolngon titno.

1 Korin 6:6

Ina lange gute Kristen kene paur ila aten ka Kristen blang la ke kot e lasu ke osep ka aitno lisak dagar ke Krais kovok amtarsak?

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Filipai 4:2

Ngawai dagar ke apmang orwo Yuodia e Sintike langane. Oglou aitno lumu kene pulu kovok e eknikane ngawaiki aitno lumu kene pulu kesua umorwo umeneklep ke Ida Puda.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.