Matyu 5:7 - Aria New Testament

⁷ “Osep ka aitno lisak due osep leklou aitno lisak itau itau kesua ma Ida Tapolngon aitno due isak blang.

Matyu 5:7 ပူးပေါင်းရင်းမြစ်များ

Mak 11:25

Alo ka umevri umawai itau ke Ida Tapolngon mgo umasak elio soulu ka osep leklou tidue ke umu. Umodue elio langane deka Pmomu ka dong ke omur heven ma sak lumu elio epmes ina bitna bitna ka umodue.”

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Pas ka Pol sogoe uti la ke osep Rom ina 11:30

Eriar langka oglou umedidi Ida Tapolngon ila pelengon kovok eknikane osep Israel ina tididi ila pelengon kovok. E ke urok elio tonari Ida Tapolngon aitno due umu.

1 Korin 7:25

Ida Puda kar pelengon dagar gesa ke ngong kovok ka la ke umu ka umegi kovok. E ngawaiki ma ngakar aitno lungong ke umu kesua Ida Tapolngon aitno due ngong e ngadidi aitno e nganapapra ila pelengon ka lokono vala.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

Efesus 4:32

Umodue elio itau vala ke osep e umodue mada ke isak ma aitno lumu itau pulu. Umasak elio soulu ka osep tidue ke umu eriar langka Ida Tapolngon sak lumu elio soulu e klok lumu elio epmes ina. Kesua Krais dong.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

1 Timoti 1:13

Lokono. Oglou aling aling ngawai soulu ke iye e ngadue agegeng ke ila osep e ngawai sasi ke iye. E dau iye ile ngadue elio tonari kesua ngaile iye kovok e aitno lungong dagar ke iye kovok. Deka aitno due ngong.

1 Timoti 1:16

E Ida Tapolngon aitno due ngong e Yesus Krais ila elio molil ka iye para ma ngabauluk aitno lungong polou langka nisngen ke osep ka pula keniye amtarsak. Ma tivati wan ka iye due ke ngong. E ma isak blang aitno lisak dagar ke iye e ma tidue urok mosongon ka dong vala dong.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

Jems 2:13

Deka langane. Langka aitno lite due osep leklou kovok deka alo ka Ida Tapolngon wade ite ma aitno due ite kovok blang. Elio ka aitno lite due osep mole elio ka itawade osep.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 2:10

Oglou umodong Ida Tapolngon ila osep kovok e eknikane umu ila osep. Oglou Ida Tapolngon aitno due umu kovok e eknikane aitno due umu kodong.