Matyu 5:5 - Aria New Testament

⁵ “Osep ka urok elio molil molil aitno lisak itau itau kesua Ida Tapolngon ma kar wan ka taklak ane ina ke isak.

Matyu 5:5 ပူးပေါင်းရင်းမြစ်များ

Matyu 11:29

Umomo ke ngong e umanana ke ngong deka umodue sigi ka ngakare ke umu e umakalke sigi tonari kesua ngong gute ka due mada e ngapes ngong tona e ma aitno lumu mtong e dong epen ke ngong.

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Pas ka Pol sogoe uti la ke osep Rom ina 4:13

Oglou ari Ida Tapolngon wai promis ke Abraham ma omur ka pula keniye polou ina omur. Iye wai ila promis la ke Abraham gosok ila napakngan blang. Aitno lumu lange? Ida Tapolngon wai ila promis ke Abraham kesua Abraham didi Moses ila sogongon koke aurou? Aurou. Ida Tapolngon wai ila promis ke Abraham kesua Abraham aitno dagar ke iye vala. E ari Ida Tapolngon due polou itau e osuk ke bitna.

Galesia 5:23

E itodue wan bitna bitna molil e itaplau ite itau. E wan gesa karanga dangdang elio itau bitna bitna tonari kovok.

Efesus 4:2

E umakakai angainmu kovok. Umodue elio molil molil e aitno lumu epen. Langka osep leklou tidue elio soulu ka sruk aitno lumu io aitno lumu nevlik ine kovok. Aitno lumu tidong epen vala ma lumu elio itau nis osep langane. Umu lana umu ke isak.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

1 Timoti 6:11

Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

Taitus 3:2

Amwai ke isak ma tiwai soulu ke osep kovok. Aling aling aitno lisak dong epen vala e tidue mada ke osep e tidue elio itau ke osep ka pula keniye.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

Jems 3:13

Gute gesa dong kap umu ka aitno mter itau ke elio bitna bitna e ila ilengen itau koke aurou? Langka gute langane dong kap umu ma iye due elio isuk isuk ka itau e iye pes iye tona. Deka osep ka tivati iye ma tile gute tonari ile omur itau.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

1 Pita 3:4

E ngawaiki umodue elio langka umabares aitno lumu vala. Umodong molil molil e aitno lumu epen vala. Umodue elio langane deka Ida Tapolngon vati umu langka umabares ke baresngen ka itau ka dong vala dong.