Matyu 5:46 - Aria New Testament

⁴⁶ Langka umu lana umu ke osep ka isak lana isak ke umu vala ina lange ma umodue wan ka itau ke Ida Tapolngon? Osep ka tidue takis ke osep tidue langane blang.

Matyu 5:46 ပူးပေါင်းရင်းမြစ်များ

Matyu 11:19

E Gute Ka Polou Langka Osep me e ngen ngangon e inim aki wain e osep tiwai langane. ‘Gute are iye ngen ngangon pula e inim aki wain ma bitna balilu e ila saten isak osep ka tidue takis e osep epmes ina.’ E dau Ida Tapolngon ila osep tidue elio itau e elio are nis osep Ida Tapolngon ila ilengen iye pelengon lokono.”

Matyu 18:17

E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”

Matyu 5:47

E langka umawai ‘oklou itau’ ke lumu saten vala umodue elio langka osep leklou tidue vala. Osep ka isak osep Yuda ina kovok tidue langane blang.

Matyu 6:1

Yesus wai blang langane. “Umaplau umu itau lama umodue elio itau ke osep amtarsak ma osep tipalem umu vala. Langka umodue langane Pmomu ka dong ke omur heven ma kar kerengen ka itau ka omur heven ina ke umu kovok.”

Mak 2:15

Deka Yesus la ke Livai ila ninu e sepe. Deka iye gosok ila disaipel tidong lelei bota ma tingen inarak ngangon ine. Ari osep pula tididi iye. Deka osep ka tidue takis e osep epmes ina pula tigosok Yesus tidong ke bota tonari.

Mak 2:16

E osep ka tile itau ke Moses ila sogongon ka isak osep Farisi ina tivati elio ka Yesus dong ngen ina ngangon kap osep ka tidue takis e osep epmes ina. Deka tiwai ke ila disaipel langane. “Ina lange gute Yesus dong ngen ina ngangon kap osep ka tidue takis e osep epmes ina?”

Luk 15:1

E osep ka tidue takis e osep epmes ina time ke Yesus ma tiklingen ila pelengon.

Luk 18:13

E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 19:2

E umoklingen. Gute dong ke armok ka angaine Sakius ka iye gute mgongon ina kene ke osep ka tidue takis e ila mani pula.

Luk 19:7

E alo ka osep tivati elio ane tinogrum tingurngur langane. “Yesus la dong kap gute epmes ina.”

Luk 3:12

E osep ka tidue takis leklou time blang ma iye paunim isak e tipmi iye langane. “Gute parerengen ina ma imodue sua?”

Luk 5:29

E Livai due rogo ke Yesus ke ila ninu e osep pula ka tidue takis e osep leklou pula tingen kap isak.

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Luk 7:29

E alo ka osep tiklingen pelengon tonari osep ka pula keniye e osep ka tidue takis aitno lisak mter Ida Tapolngon due elio ka osuk. Aitno lisak mter langane kesua oglou isak kla ke Jon ma iye paunim isak.

Luk 7:34

E Gute Ka Polou Langka Osep me e ngen e inim e umawai langane. ‘Iye ngen pula e inim pula ma bitna balilu e ila saten isak osep ka tidue takis e osep epmes ina.’