Matyu 5:30 - Aria New Testament

³⁰ E langka lupmu odung due umu umodue elio epmes ina deka umobloue e umourie ke umu. Kesua langka ongwa lumu kene dong kovok are itau lama ongwa lumu keniye la ke omur hel.

Matyu 5:30 ပူးပေါင်းရင်းမြစ်များ

Matyu 11:6

E Ida Tapolngon due elio itau itau ke osep ka aitno lisak dagar ke ngong e orwo kovok.”

Matyu 13:21

E aitno dagar ine langka wan gigitno dagar ke taklak kovok. Aurou. Iye dong isuk boto vala e alo ka agegeng koke elio soulu polou ke iye batne ke Ida Tapolngon ila pelengon deka suong iye songon pelengon tonari.

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Matyu 17:27

E dau lama osep aitno lisak soulu ke ite amla ke aki e omkngo lodu. E omklok ene ke lodu ka omdue mgo e ma ampado mani. Omdue mani tonari e emkli takis ke wom e ngong ine.”

Matyu 18:8

E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong.

Matyu 22:13

Deka gute ka vri mgo ke omur wai ke ila osep bokongon ina langane. ‘Umopou gute ane limla e kamla e umouri iye ke aivoro ke dogur. Ke omur are osep tikngis omba e tisak orsak erine pulu kesua tarna lisak doro doro lokono.’”

Matyu 25:20

E gute ka due 5,000 kina me kar iye 5,000 kina silang e wai langane. ‘Ngau puda amkar 5,000 kina ke ngong e ngadue 5,000 kina silang.’

Matyu 26:31

Deka Yesus wai ke isak langane. “Ke epmes ane umu keniye ma umoulou e umosongon ngong. Kesua Ida Tapolngon ila pelengon wai langane. ‘Ma ngamluk sipsip ina plaungan e ma sipsip tidardar kla.’

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Matyu 5:29

E langka omtomu odung due umu umodue elio epmes ina deka umepie e umourie ke umu. Kesua are itau langka ongwa lumu kene dong kovok lama ongwa lumu keniye la ke omur hel.

Mak 9:43

Langka lupmu gesa due umu umodue elio epmes ina ine ma umobloue kopuk la vala. Langka umoblou lupmu kene kopuk la deka umodue elio epmes ina kovok batne iye dong kovok ane itau vala. Kesua mase ma umodong ke omur heven deka ma lumu mosongon ka itau dong vala dong. E langka lupmu orwo tidong deka umodue elio epmes ina bitna bitna ine e mase umala umokluk ke omur hel are soulu lokono. Kesua eiou ka omur hel dong vala dong e ina yagosngon kovok.”

Luk 12:5

E ngawai ke umu ke gute ka umelim ine. Umelim ke Ida Tapolngon ka mluk pampamu lumu ma umemete deka iye karanga uri umu ke omur hel. Ngawai ke umu langane. Umelim ke gute tonari.

Luk 17:2

E langka osep tidue gute tonari e tipou opmu ka anit ke agune e tiuri iye ke misuon ma iye unim e mete are itau. E langka tidue elio ane dau elio ane karanga mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.

Pas ka Pol sogoe uti la ke osep Rom ina 9:33

E elio tonari eriar langka Ida Tapolngon ila pelengon ano ka wai langane. “Osep umoklingen. Ngadue opmu gesa dong ke omur Saion e osep pula kamsak tinepir ine e tigene ine. E osep keniye ka aitno lisak dagar ine ma aitno lisak soulu ine kovok. Aurou. Ma aitno lisak itau ine vala.”

1 Korin 8:13

Deka langka ngangon ka ngangene due agegeng ke osep leklou ma tidue elio epmes ina ma ngangen ongwa okurne aling silang blang kovok. Lama lou elio due isak tidue elio soulu.

Galesia 5:11

Sipmi. Ngawai ke osep ke elio ulangngan ina kovok. Aurou. Langka ngawai ine dau ina lange osep tidue elio soulu ke ngong? Langka ngong dau ngawai ke osep ma tididi elio ulangngan ina deka Ida Puda ina metengen ke ina akai ma due osep aitno lisak amnga ine kovok.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.