Matyu 5:29 - Aria New Testament

²⁹ E langka omtomu odung due umu umodue elio epmes ina deka umepie e umourie ke umu. Kesua are itau langka ongwa lumu kene dong kovok lama ongwa lumu keniye la ke omur hel.

Matyu 5:29 ပူးပေါင်းရင်းမြစ်များ

Matyu 10:28

Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Matyu 11:6

E Ida Tapolngon due elio itau itau ke osep ka aitno lisak dagar ke ngong e orwo kovok.”

Matyu 16:26

Langka gute due wan keniye ka taklak ina e dau ila mosongon imina ma iye due wansua? Koke ma gute kar wansua ma iye due ila mosongon?

Matyu 17:27

E dau lama osep aitno lisak soulu ke ite amla ke aki e omkngo lodu. E omklok ene ke lodu ka omdue mgo e ma ampado mani. Omdue mani tonari e emkli takis ke wom e ngong ine.”

Matyu 19:12

Osep leklou tikaranga tigi kovok kesua wan soulu polou ke isak alo ka titnarak tidivir isak e osep leklou tikaranga tigi kovok kesua osep tisok lesna lisak e tikaranga tidivir titorok kovok e osep leklou tidangdang isak ke gingen ma tikaranga tidue Ida Tapolngon ila bokongon ke taklak ane. Gute ka karanga didi nasingen ane ma iye didie.”

Matyu 23:15

Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umodue langan ke omur omur ke misuon e ke taklak ma umodue gute kene ka iye gute Yuda ina kovok ma iye nepir ke umu. E alo ka iye nepir ke umu iye due elio soulu ka mole elio soulu ka umodue e umodue ma iye la ke omur hel.”

Matyu 23:33

Umu langka mota ka soulu e langka mota ka soulu titno. Ida Tapolngon ma mulu umu ke omur hel e umakaranga umokos ine kovok.

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Matyu 5:30

E langka lupmu odung due umu umodue elio epmes ina deka umobloue e umourie ke umu. Kesua langka ongwa lumu kene dong kovok are itau lama ongwa lumu keniye la ke omur hel.

Mak 8:36

Langka gute gesa due brokngon ka pula keniye ka tidong ke taklak ma isak keniye ila wan deka iye mete ma brokngon lua iye ke ila mosongon? Ma ila brokngon tonari karanga lua iye? Aurou.

Luk 12:5

E ngawai ke umu ke gute ka umelim ine. Umelim ke Ida Tapolngon ka mluk pampamu lumu ma umemete deka iye karanga uri umu ke omur hel. Ngawai ke umu langane. Umelim ke gute tonari.

Pas ka Pol sogoe uti la ke osep Rom ina 6:6

E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.

Pas ka Pol sogoe uti la ke osep Rom ina 8:13

Langka umedidi lumu elio oglou ina vala ma umemete ine. E langka umedidi Ano Itau ila plaungan vala ma umodue elio oglou ina mete deka umodue elio epmes ina bitna bitna kovok. Deka ma umodong itau vala.

1 Korin 9:27

E langane. Nganana engil ma ngakaranga ngaplau pampamu lungong itau. Lama nganapapra omon itau ke osep pula e mase ngong tona ngakaranga ngadue prais kovok.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.