Matyu 5:18 - Aria New Testament

¹⁸ Ngawai lokono ke umu langane. Lama taklak e sirva isak yagos leta kene koke leta emkil kene ke Moses ila sogongon ma polou yagos kovok la lama sogongon tonari polou lokono.

Matyu 5:18 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 10:42

E langka gute gesa kar aki epen ke lou disaipel ka ila wan isuk boto vala ma iye inim kesua batne iye didi ngong lokono ma iye due wan itau lokono.”

Matyu 11:11

E Yesus wai blang langane. “Ngawai lokono ke umu. Gute gesa ka taklak ane ina mole Jon ka paunim osep kovok. E dau gute ka aitno mter iye dong adai ke omur ka Ida Tapolngon plaue iye mole Jon.”

Matyu 13:17

E ngawai lokono ke umu langane. Oglou osep napaprangan ina pula e osep pula ka urok mosongon itau e osuk tiwaiki tivati wan ka umavati e tivati kovok. E tiwaiki tiklingen wan ka umoklingen e tiklingen ine kovok.”

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 18:18

“E ngawai ke umu langane. Wan ka umadangdange ke taklak ma Ida Tapolngon dangdange ke omur heven e wan ka umosongone ke taklak ma Ida Tapolngon songone ke omur heven.”

Matyu 18:3

Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok.

Matyu 19:23

E Yesus wai ke ila disaipel langane. “Ngawai lokono ke umu langane. Are engil ma osep ka urok mani pula tisep ke omur heven ka Ida Tapolngon plaue.

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 23:36

Ngawai lokono ke umu. Wan ka pula keniye ane ma tipolou ke osep ka tidong oku ane.”

Matyu 24:2

E Yesus wai ke isak langane. “Umavati ninu keniye ane i? Ngawai lokono ke umu mase osep ma tidardar ninu keniye ane e opmu kene ma dong napal munu ke opmu silang kovok.”

Matyu 24:47

Ngawai lokono ke umu. Gute tonari ma due wokboi nating plau ila wan keniye.

Matyu 25:12

E iye koli wai ke isak langane. ‘Ngawai lokono ke umu langane. Ngaile umu kovok.’”

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 25:45

Deka gute ka vri mgo ke omur ma koli wai ke isak langane. ‘Ngawai lokono ke umu. Langka umodue elio tonari kovok ke lou osua lama angainsak daudeng e tidong moli ke osep leklou umodue ke ngong kovok blang.’”

Matyu 5:26

Ngawai lokono ke umu langane. Ma umodong ke kalabus la lama umekli lumu elio soulu keniye yagos.”

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:2

“Alo ka umakar mani ke osep ka urok wan isuk boto vala umodue kuliep wai mgo ke umu kovok. Osep ka aitno lisak orwo tidue langane ke duningen ina ninu e ke ekreng ma osep tipalem isak e tikakai angainsak. Ngawai lokono ke umu langane. Tidue urok klingen ine kodong.

Matyu 8:10

Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar.

Mak 10:15

Ngawai ke umu ke pelengon ane ka lokono. Langka osep tisongon Ida Tapolngon ma iye plau isak eriar langka mimi tisongon iye ma iye plau isak e ma tidong kap iye. E osep ka tidue elio langane kovok ma Ida Tapolngon plau isak kovok e ma tidong kap iye kovok.”

Mak 10:29

Deka Yesus koli wai ke iye langane. “Ngawai ke umu ke pelengon lokono ane ka la ke elio ka ma tipolou ke osep ka tisongon urok wan batne ke ngong e Ida Tapolngon ila omon itau. Ngawai ke osep ka tisongon urok ninu e inarak titovro e inarak saiver e sulutorok e sipmarak e titnarak e titorok e inarak taklak.

Mak 11:23

Ngawai ke umu ke pelengon lokono ane. Langka gute gesa aitno dagar ke Ida Tapolngon vala e aitno orwo kovok deka wan ka iye wai itau ke Ida Tapolngon ine ma polou lokono. Langka aitno dagar langane e iye wai ke gigri ka vri are ma iye due iye tona e tapre iye la sep ke misuon deka ma elio didi ila pelengon.”

Mak 12:43

Deka Yesus wai ke ila disaipel ma time tipolou ke iye. Time tipolou ke iye deka iye wai ke isak langane. “Ngawai ke umu ke pelengon lokono. Wan ka apmang ka asap batne are ka ila mani isuk boto vala urie la sep ke karoro mole wan keniye ka osep ka urok mani pula pula tiuri isak.

Mak 13:30

Ngawai ke umu ke pelengon lokono ane. Elio soulu bitna bitna tonari ma tipolou lokono alo ka osep ka tidong ke taklak oku ane isak dau timete kovok.

Mak 14:18

Deka tidong lelei ke bota gesa e tingen inarak ngangon. Deka Yesus wai ke isak langane. “Ngawai ke umu ke pelengon ane ka lokono lokono. Lumu aten gesa ka dong ngen ngangon ane kap ngong ma lai ngau.”

Mak 14:25

Ngawai ke umu ke pelengon lokono ane. Ma ngainim aki wain aling kene silang blang kovok la lama mase ngainim aki wain oku ina ke omur ka Ida Tapolngon plaue.”

Mak 14:30

Deka Yesus koli Pita ila pele-ngon e wai langane. “Ngawai ke wom ke pelengon lokono ane. Eknikane ke epmes ma amwai emile ngong kovok aling eklu deka ma kwako bole wai aling orwo ina.”

Mak 14:9

Ngawai ke umu ke pelengon lokono ane. Alo ka osep tinapapra Ida Tapolngon ila omon itau ke omur omur ka dong ke taklak ka pula keniye ma tiwai ke elio ka apmang ane due ke ngong ma osep tile ine.”

Mak 3:28

“Ngawai ke umu ke pele-ngon ane ka lokono lokono. Ida Tapolngon karanga sak elio epmes ina bitna bitna keniye ka osep tidue. Iye karanga sak osep ka tipul dogur ke urok elio ka tiwai soulu ke iye e tipes iye tona angaine urok elio epmes ina.

Mak 6:11

Langka umala umopolou ke armok gesa ka ina osep tidue umu umesep ke urok ninu kovok e tipono aitno lisak ke lumu pelengon deka umosongon isak e umala ke armok silang blang. Alo ka umosongon armok ka due elio langane deka umasapirpir taklak ina group ka dong ke lumu su. Umodue elio langane kesua batne ma umenis osep tonari ke urok elio soulu ka tiwaiki tiklingen Ida Tapolngon ila pelengon kovok.”

Mak 8:12

Tiwai langane deka Yesus songsong netir e wai ke isak langane. “Ina lange umu ka umodong ke taklak ke oku ane umawaiki umavati nisngen gesa langka elio arit ina? Ngawai ke umu ke pelengon ane ka lokono lokono. Ma umavati elio arit ina ka nisngen gesa kovok.”

Mak 9:1

Deka Yesus wai ke isak langane. “Ngawai ke umu ke pelengon ane ka lokono. Osep leklou ka tivri ane ma tidong la lama tivati elio ka Ida Tapolngon plau osep ke ila arit polou deka ma timete.”

Mak 9:41

Ngawai ke umu ke pelengon ane ka lokono lokono. Langka aki vel umu e osep leklou tikar upu aki ke umu batne umu lou disaipel mase ma Ida Tapolngon kere isak ke ila kerengen.”

Luk 11:51

Tidue burwa ke osep napaprangan ina nogrum ke Abel me iding ke Sekaraia ka tidue burwa ke iye airavu ke Ida Tapolngon ila ninu e bota ka tidue elio opmu ina ine. Ngawai lokono ke umu. Osep tonari urok metengen batne ma munu pes umu ka umodong oku ane.”

Luk 12:37

Langka alo ka gute tonari iding iye vati ila osep bokongon ina tidong tipara ke iye ma aitno lisak itau itau. Ngawai lokono langane. Ma iye tnei ila bokongon ina klos deka due isak tidong ke bota e ma iye kar ngangon ke isak.

Luk 13:35

Umoklingen. Isuk boto ma lumu armok dong adai e yagos. E ma umavati ngong blang kovok la lama umawai langane. ‘Gute ka me ke Ida Puda angaine aitno itau itau.’”

Luk 16:17

E dau langka taklak e sirva tipolou yagos ane engil sasi boto. E langka leta daudeng ke Moses ila sogongon polou yagos ane wan ka engil lokono.”

Luk 18:17

Ngawai lokono langane. Langka gute songon Ida Tapolngon plau iye kovok langka mimi tisongon iye plau isak ma iye karanga sep ke omur ka Ida Tapolngon plaue kovok.”

Luk 18:29

E Yesus wai ke isak langane. “Ngawai lokono ke umu. Langka gute songon ila ninu koke ila asap koke ina titovro koke ina saiver koke timla e tna koke titno kesua iye waiki elio ka Ida Tapolngon plau omur omur polou.

Luk 23:43

E Yesus koli wai ke iye langane. “Ngawai lokono ke wom langane. Eknikane ma omdong kap ngong ke omur ka itau lokono.”

Luk 4:24

Deka iye wai langane. “Ngawai lokono ke umu langane. Osep tidue anit ke gute napaprangan ina ke ila armok batne kovok.

Jon 1:51

E Yesus wai blang langane. “Ngawai lokono ke umu langane. Mase ma umavati omur heven noklok e Ida Tapolngon ila ensel langka titito e tiduru ke Gute Ka Polou Langka Osep.”

Jon 10:1

“Ngawai lokono ke umu langane. Gute ka sep ke sipsip inarak eger ke ina ekreng bitna kovok e iye klou ari ke omur silang iye gute panakongon ina e waiki due sipsip.

Jon 10:7

E Yesus wai ke isak blang langane. “Ngawai lokono ke umu langane. Ngong sipsip inarak eger ina ekreng bitna.

Jon 12:24

Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula.

Jon 13:16

Ngawai lokono ke umu langane. Wokboi nating mole ina puda kovok e gute ka kalke omon mole gute ka vai iye ma iye kalke omon kovok.

Jon 13:38

E Yesus koli wai ke iye langane. “Lokono? Ma empli tarna lugom e emmete ma omlua ngong? Ngawai lokono ke wom langane. Eknikane mgo ke alo ka kwako bole wai ma amwai emile ngong kovok aling eklu.”

Jon 14:12

“Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Jon 16:20

Ngawai ke umu lokono langane. Ma umekngis e umodue sisngen omba e osep taklak ina ma aitno lisak neser. E mase ma lumu sisngen polou ketirngen.

Jon 16:23

Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Jon 21:18

Deka Yesus wai ke Pita blang langane. “Ngawai lokono ke wom langane. Alo ka wom dau auram emtnei lem klos e emkere wom ma emdidi aitno lugom e emlila ke omur omur. E mase alo ka ompolou lapun ma amkakai livep e osep leklou ma titnei wom ke lem klos e timgo ke wom ke omur omur ka amwaiki amla ine kovok.”

Jon 3:11

Ngawai ke wom lokono langane. Imawai ke wan ka imeile ine e imapalongo lumu ke wan ka imavati e dau umu osep ka aitno lumu dagar ke limem pelengon kovok.

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Jon 5:19

E Yesus wai ke isak langane. “Ngawai lokono ke umu langane. Ngong ka Ida Tapolngon Otno Arang ngakaranga ngadue wan ka didi aitno lungong vala kovok. Aurou. Ngakaranga ngadue wan ka ngavati Livou due vala kesua wan gesa ka Livou due io ngong ka Otno Arang ngadue langane blang.

Jon 6:26

E Yesus koli wai ke isak langane. “Ngawai lokono ke umu langane. Aitno lumu mter ke elio arit ina ka nisngen ka ngadue deka umekrim ke ngong kovok. Aurou. Umekrim ke ngong kesua umangen bret e umogot.

Jon 6:32

E Yesus wai ke isak langane. “Ngawai lokono ke umu langane. Moses iye gute ka kar bret ka omur heven ina ke umu kovok. Aurou. Livou kar bret lokono ka omur heven ina ke umu.

Jon 6:47

Ngawai lokono ke umu langane. Gute ka aitno dagar ke ngong ma iye due mosongon ka dong vala dong.

Jon 6:53

Deka Yesus wai ke isak langane. “Ngawai pelengon lokono ke umu langane. Langka umangen Gute Ka Polou Langka Osep pampamu ine kovok e umeinim ina marau kovok mosongon ka dong vala dong ma dong ke umu kovok.

Jon 8:34

E Yesus koli wai ke isak langane. “Ngawai lokono ke umu langane. Osep ka pula keniye ka tidue elio epmes ina tidong langka wokboi nating ke elio epmes ina.

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

1 Pita 1:25

E Ida Puda ila pelengon dong vala dong.” Pelengon ane omon itau ka osep tinapapra ke umu.

Pelengon kukwopngon 20:11

Deka ngavati Ida Tapolngon dong ke ila kova omba ka okou. Deka taklak e sirva tiulou ine deka isak yagos e osep tivati isak blang kovok.