Matyu 5:16 - Aria New Testament

¹⁶ Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 5:16 ပူးပေါင်းရင်းမြစ်များ

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Matyu 23:9

E umesir gute silang ke taklak ane ‘livou’ kovok kesua Pmomu kene dong ke omur heven.

Matyu 5:45

Umodue langane ma umodong Pmomu ka dong ke omur heven titno umu. Kesua iye due oklou tito ke osep ka itau e osep ka soulu e iye due aragu duru ke osep ka tidong itau ke bitna e ke osep ka tidong itau ke bitna kovok.

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Luk 11:2

E Yesus wai ke isak langane. “Alo ka umawai itau umawai langane. ‘Pmemi omlua imi ma imodue anit ke wom. E imawaiki omur ka amplaue me ke taklak.

Jon 15:8

Langka umodue elio itau pula langka galou wain usu otna pula lumu elio langane kakai Livou angaine tito la egim. E ke elio langane umenis osep umu lou disaipel.

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

1 Korin 14:25

E ila elio soulu ka dong kukwop ke aitno ma polou malak. Deka iye ma grum kamla e due otuk ine duru ke taklak e ma lotuim Ida Tapolngon. Deka iye ma wai malak langane. “Ngaile omur Ida Tapolngon dong kap umu.”

2 Korin 9:13

E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

Galesia 1:24

Tiklingen omon ke elio ka Ida Tapolngon makai ngong e tikakai Ida Tapolngon angaine ine.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

Efesus 5:8

Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

1 Timoti 2:10

E ma apmang tidue elio bitna bitna ka itau langka apmang ka aitno lisak dagar ke Ida Tapolngon tidue. Elio ane langka urok baresngen ka itau.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

1 Timoti 5:25

E langane blang ke elio itau. Osep leklou tidue elio itau e lokono osep tivati. E osep leklou urok elio itau polou malak paide kovok e mase ma elio itau tonari karanga dong kukwop kovok.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

Taitus 3:4

Itodong langane deka Ida Tapolngon ka iye Ida Luangan blang lana iye omba ke ite. Iye makai ite e nis ite ke wan ka iye due ke ite kodong.

Hibru 10:24

E ma aitno lite mter ke elio ka ma itakaranga itosruk aitno lite ma ite lana ite pulu e itodue elio itau pulu.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.

1 Pita 3:16

E ngawaiki umodue elio itau vala ma elio gesa pes umu kovok. Deka langka osep tisin elio soulu vri ke umu e tiwai soulu ke lumu elio itau ka umodue batne ke Krais ma isak mnak isak ke urok pelengon.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.