Matyu 4:23 - Aria New Testament

²³ E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 4:23 ပူးပေါင်းရင်းမြစ်များ

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 12:9

Deka Yesus songon omur are e sep ke osep Yuda ina urok duningen ina ninu gesa.

Matyu 13:19

Alo ka gute klingen omon ka la ke omur ka Ida Tapolngon plaue e iye ile ine kovok Satan me pi omon ke aitno. Gute ane eriar langka wit londo ka tiduru timunu ke ekreng.

Matyu 13:54

E iye la polou ke ila armok batne e nogrum parere osep ke osep Yuda ina urok duningen ina ninu. Iye parere isak e osep tidigrik e tiwai langane. “Lange ka gute ane due ilengen itau e due arit ma iye karanga due elio arit ina?

Matyu 14:14

E alo ka Yesus songon bot ke aki ina dingen batne iye vati osep pula pula tidong e aitno kro ke isak e iye due osep ka tipaia tipolou itau blang.

Matyu 24:14

E osep ma tinapapra omon itau ka la ke omur ka Ida Tapolngon plaue ke omur ka pula keniye ke taklak ma osep tikaranga tiklingen ine deka taklak ina yagosngon ma polou.”

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Mak 1:21

Isak kla e mase tipolou ke armok Kaperneam e tidong ine. Deka ke oklou sabat Yesus la sep ke osep Yuda ina urok duningen ina ninu e parere osep ke Ida Tapolngon ila pelengon.

Mak 1:39

Deka Yesus lila ke armok pula ka tidong ke omur Galili. E iye sep ke urok duningen ina ninu e napapra Ida Tapolngon ila pelengon ke isak. E iye sik angelo soulu pula ka tidong ke osep.

Mak 3:10

Osep pula tonari time tipolou ke Yesus kesua batne iye lua osep pula ka tipaia. Deka ari osep pula ka inarak paiangan dong ke isak kotitit isak e tipara pulu ma tikai iye. Kesua aitno lisak mter langka tikaranga tikai iye deka ma inarak paiangan yagos.

Mak 6:2

Tidong ine la lama oklou sabat polou deka Yesus la sep ke urok duningen ina ninu e parere osep ka tidong ine. Deka osep ka tiklingen ila parerengen ansak nesik e tingelek ine. E tiwai pulu ine langane. “Sei kar pelengon ke gute ane ka iye parere ite ine? Iye due ila ilengen ge? Sei kar ila arit ke iye deka iye due elio arit ina?

Mak 6:6

Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Luk 10:9

Umodue osep ka tipaia ke armok are tipolou itau blang e umapalongo urok langane. ‘Elio ka Ida Tapolngon plau osep polou olwo boto ke umu kodong.’

Luk 13:10

Ke oklou sabat gesa Yesus dong ke duningen ina ninu e parere osep.

Luk 16:16

“Osep tinapapra Moses ila sogongon e osep napaprangan ina urok sogongon la lama alo ka Jon polou. E nogrum ke alo ka Jon polou me ke oku ane nganapapra omon itau ka la ke omur ka Ida Tapolngon plaue e osep arit isak lokono ma tikaranga tisep ke omur tonari.

Luk 20:1

Ke oklou kene Yesus dong ke omur ka lelei Ida Tapolngon ila ninu e parere osep e napapra omon itau ke isak. E osep loulou ina ka omba e osep ka tile itau ke Moses ila sogongon e osep namormor ke osep Yuda ina time tidong lelei iye.

Luk 4:14

E Yesus iding ke omur Galili e Ano Itau ila arit dong ke iye e omon ke wan ke iye due la ke omur ka pula keniye ka lelei omur Galili.

Luk 5:17

Ke oklou kene Yesus parere osep e osep Farisi ina leklou e osep ka tile itau ke Moses ila sogongon leklou tidong are blang. Time ke armok pula ke omur Galili e omur Judia e ke Jerusalem blang. E Ida Puda ila arit dong ke Yesus ma iye due osep ka tipaia tipolou itau blang.

Luk 6:17

Deka iye duru ke gigri kap isak e vri ke omur ka mang e ila disaipel pulu pula tidong are kap osep pulu pula leklou. Osep tonari ka time ke armok armok ke omur Judia e ke Jerusalem e ke misuon ina dingen batne olwo boto ke Tair e Saidon.

Luk 6:6

Ke oklou sabat silang iye sep ke duningen ina ninu e parere osep ine. E gute dong ke ninu ka limla odung mete.

Luk 7:21

E alo ari Yesus due osep pula ka paiangan bitna bitna due isak tipolou itau blang e iye sapir angelo soulu ke osep leklou e iye due osep leklou ka amtarsak evin ma tikaranga tivati omur blang.

Luk 7:22

E iye koli wai ke isak langane. “Umala e umapalongo Jon ke wan ka umavati e wan ka umoklingen ine. Osep ka amtarsak evin tikaranga tivati omur blang e osep ka kamsak mete tikaranga tilila blang e osep ka paiangan lepra due isak tipolou itau blang e osep ka talsak karanga klingen pelengon kovok tikaranga tiklingen pelengon blang e osep ka timete tipoga titito ke inarak denga e osep ka urok wan isuk boto vala tiklingen omon itau.

Luk 8:1

Mase sasi boto Yesus lila la ke armok omba e armok daudeng e iye napapra omon itau ka la ke omur ka Ida Tapolngon plaue. E ila disaipel songotno orwo isak kla kap iye.

Luk 9:11

E alo ka osep pula pula tile ke omur ka isak kla ine tididi isak. E alo ka tipolou ke Yesus deka aitno itau ke isak. Deka iye wai ke isak ke omur ka Ida Tapolngon plaue e due osep ka tipaia tipolou itau blang.

Luk 9:60

E Yesus wai ke iye langane. “Omsongon osep ka isak langka timete tiyas osep ka timete kodong e amla amnapapra omon ka la ke omur Ida Tapolngon plaue.”

Jon 18:20

Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.

Jon 6:59

Yesus wai pelengon ane alo ka iye parere osep ke duningen ina ninu ke Kaperneam.

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.

Aposel 20:25

“Oglou nganapapra ke umu ke alo ka Ida Tapolngon ma plau osep ka pula keniye. E eknikane ngaile ma umu keniye umavati ngong aling kene blang kovok.

Aposel 28:31

E iye wai ke isak pula ke elio ka Ida Tapolngon ma plau omur ka pula keniye. Silang blang iye parere osep ke Ida Puda Yesus Krais ina basikngen. Alo ari Pol wai ke osep vala e ulou tarna ine kovok. E gute gesa dong ka dangdang iye ine kovok.

Pas ka Pol sogoe uti la ke osep Rom ina 10:15

E langka Ida Tapolngon pagei osep napaprangan ina ke osep tonari kovok ma tidue sua e tinapapra ila pelengon ke osep tonari? Osep ka tisogo Ida Tapolngon ila pelengon tisogo langane. “Osep ka tipaur Ida Tapol-ngon ila omon itau ke osep leklou urok elio itau lokono.”