Matyu 4:19 - Aria New Testament

¹⁹ Yesus vati isak e wai ke isak langane. “Umedidi ngong e langka oku ane umoboko ma umodue lodu ma ngaparere umu ke elio ka mase ma umodue osep tididi ngong.”

Matyu 4:19 ပူးပေါင်းရင်းမြစ်များ

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 19:21

E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

Matyu 4:18

Oklou kene iye lila ke elim Galili ina dingen batne. E iye vati osep orwo Saimon ka angaine silang Pita e ina tovro Andru. Tiuri omdu lodu ina ke misuon kesua urok bokongon tikngo lodu.

Matyu 4:20

E lokono tisongon urok omdu e tididi Yesus.

Matyu 8:22

E Yesus koli wai langane. “Emdidi ngong e omsongon osep ka isak langka timete tiyas osep ka timete kodong.”

Matyu 9:9

Yesus songon omur are e iye lila e vati gute ka due takis ka angaine Matyu dong ke omur ka osep tikli takis ine. E Yesus wai ke iye langane. “Omo emdidi ngong.” Deka Matyu tito e didi Yesus.

Mak 2:14

Iye parere isak deka iye la blang la lama iye polou ke ninu ka osep tikli urok takis ine. E iye vati gute Alfius otno arang Livai ka dong ke ninu tonari e due takis ke osep. Deka Yesus wai ke Livai langane. “Emtito e emdidi ngong.” Deka Livai tito e didi Yesus.

Luk 5:27

Mase Yesus lila la e vati gute ka due takis ka angaine Livai dong ke omur ka osep tikli takis ine e wai ke iye langane. “Emdidi ngong.”

Luk 9:59

E Yesus wai ke gute silang langane. “Emdidi ngong.” Deka gute tonari koli wai langane. “Puda omsongon ngong ma mgo ngala ngayas livou.”

Jon 1:43

Oklou silang polou e Yesus aitno mter ma iye la ke omur Galili. E alo ka iye la iye pado Filip e wai ke iye langane. “Emdidi ngong.”

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 21:22

E Yesus koli wai ke iye langane. “Langka ngawaiki iye dong la lama ngaiding ngame are wan gesa kovok ke wom. E emdidi ngong vala.”

2 Korin 12:16

Umeile alo ka ngadong kap umu ngapang lumu wan kovok. E dau umu leklou umawai langane. “Alo ka Pol dong kap ite iye yak ite e wai dikngen ke ite ma iye due wan bitna bitna ke ite.”