Matyu 3:7 - Aria New Testament

⁷ E alo ka iye vati osep Farisi ina e osep Sadyusi ina pula time iye wai ke isak langane. “Umu langka mota ka olune soulu dong ke orsak. Sei palongo lumu ma umoulou ke Ida Tapolngon aitno ila engil ka ma me?

Matyu 3:7 ပူးပေါင်းရင်းမြစ်များ

Matyu 12:24

E alo ka osep Farisi ina tiklingen pelengon tonari tiwai langane. “Iye sapir angelo soulu ke Belsebul ka plau angelo soulu ila arit.”

Matyu 12:34

Umu langka mota ka soulu. E ina lange umu ka soulu umakaranga umawai pelengon itau? Lumu pelengon nis osep ke wan ka dong ke aitno lumu.

Matyu 15:12

Deka ila disaipel time tiwai ke iye langane. “Emile osep Farisi ina tiklingen lem pelengon e aitno lisak soulu ine?”

Matyu 16:1

E Osep Farisi ina e osep Sadyusi ina time ke Yesus e tiwaiki titok iye deka tipmi iye ma iye due nisngen ka omur heven ina.

Matyu 16:6

E Yesus wai ke isak langane. “Umaplau umu itau ke osep Farisi ina e osep Sadyusi ina inarak yis.”

Matyu 22:15

E osep Farisi ina kla e tiwai pulu ke elio ka tikaranga tikotim Yesus batne ke ila pelengon.

Matyu 22:23

Ke oklou tonari blang osep Sadyusi ina leklou time ke Yesus. Osep Sadyusi ina aitno lisak mter osep tipoga titito ke inarak denga kovok. Deka tiwaiki tipmi Yesus ke pmingen gesa.

Matyu 22:34

Alo ka osep Farisi ina tiklingen omon Yesus due osep Sadyusi ina ma tikaranga tiwai kovok isak leklou tiduni pulu e isak kla ke iye.

Matyu 23:33

Umu langka mota ka soulu e langka mota ka soulu titno. Ida Tapolngon ma mulu umu ke omur hel e umakaranga umokos ine kovok.

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Mak 12:13

Deka osep leklou tipagei osep Farisi ina e osep ka Herot sisrok ke Yesus. Tidue elio langane kesua tiwaiki osep tonari titok iye ke pmingen leklou. E tiwaiki tiklingen ila kolingen e langka ila pelengon gesa soulu ma tisin elio vri ke iye.

Mak 12:18

Deka osep Sadyusi ina ka tiwai mase ma osep tipoga titito ke inarak denga kovok time tipolou ke Yesus e tipmi iye langane.

Mak 8:15

Deka Yesus palongo urok langane. “Umeile umu itau ke osep Farisi ina e gute Herot urok yis e aitno lumu mter itau ine.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Jon 1:24

Osep tonari tipolou ke Jon kesua osep Farisi ina tipagei isak kla ke iye.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Jon 9:40

E osep Farisi ina leklou ka tidong kap iye tiklingen ila pelengon e tipmi iye langane. “Lange? Emtemi evin blang?”

Aposel 15:5

E osep Farisi ina leklou ka aitno lisak dagar ke Yesus kodong tivri e tiwai langane. “Wan ka itau imawaiki umapalongo osep ari ka aitno lisak dagar ke Yesus ma tididi elio ulangngan ina e tididi Moses ila sogongon keniye ka oglou iye kare ke imi.”

Aposel 20:31

E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”

Aposel 26:5

Tile ngong e lou elio tauni kodong. Oglou ngong gute Farisi ina gesa e ngadidi imi osep Farisi ina limem elio ka engil lokono. Langka osep Yuda ina tiwaiki tiwai ke wom ke lou elio tikaranga tidue kesua tile omur ke ngong.

Aposel 5:17

Alo ari gute loulou ina ka mgo gosok sisrok ka osep Sadyusi ina aitno lisak rim ke osep aposel deka aitno lisak soulu ke isak.

Pas ka Pol sogoe uti la ke osep Rom ina 1:18

Ida Tapolngon nis itosep kodong ma iye pagei aitno ila engil duru ke osep epmes ina. Kesua tipli ila elio itau e urok elio bitna bitna keniye tipes ila pelengon lokono.

Pas ka Pol sogoe uti la ke osep Rom ina 5:9

E eknikane Ida Tapolngon due ite itopolou itau e osuk ke bitna batne ke Yesus ina metengen e ina marau ka kasip amunte. Itopolou itau e osuk ke Ida Tapolngon bitna batne ke Ida Kasipngen ka kasip amunte kodong. Deka Ida Tapolngon aitno epen ke ite. E ma aitno ila engil due ite kovok kesua batne Yesus kasip amunte kodong.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.