Matyu 3:6 - Aria New Testament

⁶ E tiwai malak ke urok elio epmes ina deka iye paunim isak ke aki Jordan.

Matyu 3:6 ပူးပေါင်းရင်းမြစ်များ

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Mak 1:5

Jon napapra ke isak langane deka osep pula ka isak omur Judia ina e armok Jerusalem ina isak kla tipolou ke iye. Deka isak kensak kensak tiwai malak ke urok elio epmes ina ka vri ke isak. Deka iye paunim osep tonari ke aki Jordan.

Luk 1:16

E ma iye due osep Israel ina pula tibauluk aitno lisak ke Ida Puda ka Inarak Tapolngon.

Luk 3:16

E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Aposel 1:5

Oglou Jon me deka iye paunim osep ke aki. E eknikane dau tauni kovok ma Ano Itau duru me dong ke aitno lumu.”

Aposel 11:16

Elio ane polou deka omtongu sisir Ida Puda ila pelengon ka oglou iye wai langane. ‘Eknikane Jon paunim umu ke aki. Mase ma Ida Tapolngon due Ano Itau dong ke aitno lumu.’

Aposel 19:18

E osep pula ka aitno lisak dagar ke Yesus tipolou ke osep pula amtarsak e tiwai malak ke urok elio epmes ina bitna bitna e tibisi ine kovok.

Aposel 22:16

E omdong ane batne lange? Emtito itala e omdue elio paunimngen ina. Emsir Yesus angaine ma iye tona lua wom ke lem elio epmes ina e ma iye due noklok la.’”

1 Korin 10:2

Deka tididi Moses e elio ka polou ke iye polou ke isak blang. Elio ane langka tidue elio paunimngen ina ke gaup e ke aki.

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.

Hibru 6:2

E silang blang imawai ke umu ke elio paunimngen ina e ke elio ka osep limsak duru kai apada e ke elio ka itopoga itetito ke ida denga e ke elio ka Ida Tapolngon wade osep dong vala dong kovok. Aurou.

Hibru 9:10

E wan tonari la ke ngangon ka itakaranga itangen e ke aki ka itakaranga iteinim e ke elio bitna bitna ka osep tidue ma tidong itau e eip ke Ida Tapolngon bitna. Isak wan ke tarna lite vala e dong la lama iding ke wan oku polou.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Jon 1:9

E langka itapalongo malak ke udo elio epmes ina deka Ida Tapolngon ma sak isak kla. Ida Tapolngon ila elio langane. Iye didi ila pelengon ka iye wai ine kodong e due elio itau vala. Ma itopolou itau e osuk ke bitna.