Matyu 3:2 - Aria New Testament

² “Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 3:2 ပူးပေါင်းရင်းမြစ်များ

Matyu 10:7

Alo ka umelila umanapapra omon langane. ‘Omur ka Ida Tapolngon plaue isuk boto polou.’

Matyu 11:20

Ke armok ka Yesus due elio arit ina pula ine osep tibauluk aitno lisak ke Ida Tapolngon kovok e Yesus mulu isak e wai ke isak langane.

Matyu 12:41

E ke oklou ka Ida Tapolngon ma wade osep ka pula keniye ine osep Ninive ina ma tivri e tisin elio soulu vri ke umu. Kesua alo ka Jona napapra ke isak tibauluk aitno lisak la ke Ida Tapolngon e oku ane gute ka mole Jona lokono dong kap umu.

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Matyu 13:24

E Yesus wai pelengon ano silang langane. “Omur heven ka Ida Tapolngon plaue iye langka gute ka lila ser londo itau ke ila yage.

Matyu 13:31

E Yesus wai pelengon ano silang langane. “Omur ka Ida Tapolngon plaue langka mastet londo ka gute la ser isak ke ila yage.

Matyu 13:33

E iye wai pelengon ano silang langane. “Omur ka Ida Tapolngon plaue langka yis ka apmang due sep ke dram plaua la lama plaua keniye tonari song polou omba.”

Matyu 13:47

“E silang omur ka Ida Tapolngon plaue langka omdu lodu ina ka osep tiuri ke misuon e omdu due lodu bitna bitna pula.

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 18:23

Ngawai pelengon ano ke omur heven ka Ida Tapolngon plaue langane. Gute ka vri mgo ke omur kene waiki mosi aglunga ke osep ka tilua iye ke omur ina plaungan.

Matyu 20:1

Yesus wai pelengon ano langane. “Omur heven ka Ida Tapolngon plaue dong langane. Ke oklou kene ke 6 kilok ke kotkotu gute gesa la ke bilmu e waiki due osep ma tiboko ke ila yage galou wain ina.

Matyu 22:2

“Omur heven ka Ida Tapolngon plaue langane. Gute ka vri mgo ke omur kene waiki due rogo omba kesua otno arang ma gi.

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 25:1

“Alo ari omur heven ka Ida Tapolngon plaue dong eriar langka apmang belbela songotno ka tikalke urok lam e isak kla tipara ke gute ka ma gi.

Matyu 25:14

“Alo ka Gute Ka Polou Langka Osep ma iding me omur heven ka Ida Tapolngon plaue ma dong langane. Aling kene gute waiki la ke ila langan e gom ila wokboi nating e wai ke isak ma tiplau ila wan keniye.

Matyu 4:17

Alo ari Yesus nogrum e napapra langane. “Umabauluk aitno lumu ke lumu elio epmes ina kesua omur ka Ida Tapolngon plaue isuk boto polou.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 5:10

“Osep ka osep leklou tidue agegeng ke isak kesua tididi elio itau vala ke Ida Tapolngon bitna aitno lisak itau itau kesua omur heven ka Ida Tapolngon plaue urok omur.

Matyu 5:3

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

Matyu 6:10

Imawaiki omur ka amplaue me ke taklak ma osep taklak ina tini wom langka osep heven ina tini wom.

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Mak 1:15

Iye napapra ke isak langane. “Eknikane taim ka Ida Tapolngon rere ma iye vri mgo ke osep polou kodong. Deka umabauluk aitno lumu ke lumu elio epmes ina e aitno lumu la dagar ke Ida Tapolngon ila omon itau.”

Mak 1:4

Mase Jon ka paunim osep me polou ke osep eriar langka oglou ari Aisaia sogo ine. E iye lila ke omur ka dong adai vala e iye napapra ke osep langane. “Umabauluk aitno lumu ke lumu elio epmes ina e aitno lumu mter ke elio itau ma umedidi elio paunimngen ina. Umodue elio langane deka ma Ida Tapolngon klok lumu elio epmes ina la.”

Mak 6:12

Deka ila disaipel songotno orwo isak kla tilila e tinapapra ke osep ma tibauluk aitno lisak ke urok elio epmes ina.

Luk 1:16

E ma iye due osep Israel ina pula tibauluk aitno lisak ke Ida Puda ka Inarak Tapolngon.

Luk 11:20

E langka ngadidi Ida Tapolngon ila arit e ngasapir angelo soulu deka elio are nisngen ke umu langane. Omur ka Ida Tapolngon plaue polou olwo boto ke umu kodong.”

Luk 13:3

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.

Luk 13:5

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.”

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 15:7

Ngawai ke umu langane. Elio eriar langane polou ke omur heven blang. Osep ke omur heven tiketir ke gute epmes ina kene ka bauluk aitno e urok ketirngen mole ketirngen ke osep 99 ka aitno lisak mter langka tidong itau e osuk ke Ida Tapolngon bitna kodong e urok elio epmes ina pes isak kovok.”

Luk 16:30

E gute koli wai langane. ‘Livou Abra-ham aurou. E langka gute ka mete kodong poga tito ke ina denga e wai ke isak ma tibauluk aitno lisak.’

Luk 21:31

E eriar langane ke nisngen tonari. Alo ka umavati isak tipolou ma umeile langka isuk boto omur ka Ida Tapolngon plaue ma polou.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Luk 6:20

Deka bitna la ke ila disaipel e iye wai ke isak langane. “Umu ka lumu wan isuk boto vala aitno lumu itau itau kesua mase ma wan ka omur heven ka Ida Tapolngon plaue polou lumu wan.

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 17:30

Oglou ari itosep aitno lite kaka ke Ida Tapolngon e aitno mter ine vala. E iye ules ite ine kovok. Eknikane Ida Tapolngon wai dagar ke osep ka pula keniye ma tibauluk aitno lisak ke urok elio epmes ina e aitno lisak la dagar ke iye vala.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 20:21

Nganapapra ke osep Yuda ina e ke osep ka isak osep Yuda ina kovok. Nganapapra langane. ‘Umabauluk aitno lumu ke lumu elio epmes ina deka aitno lumu la ke Ida Tapolngon e aitno lumu la dagar ke Ida Puda Yesus Krais.’

Aposel 26:20

Ari mgongon nganapapra Ida Tapolngon ila pelengon ke osep ka tidong ke Damaskus. Deka nganapapra ke osep ka tidong ke Jerusalem. Deka nganapapra ke osep ka tidong ke omur Judia. Deka nganapapra ke osep ka isak osep Yuda ina kovok. Nganapapra ke isak keniye langane. ‘Osep umabauluk aitno lumu ke lumu elio epmes ina e aitno lumu la dagar ke Ida Tapolngon vala. Deka umodue elio itau ka nis osep umabauluk aitno lumu ke lumu elio epmes ina kodong.’

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

2 Korin 7:10

Alo ka Ida Tapolngon due osep aitno lisak soulu ane due isak ma tibauluk aitno lisak. E ke elio ane Ida Tapolngon lua isak ke urok elio epmes ina e aitno lisak itau ke wan bitna bitna ka tipolou ke isak. E ke osep leklou ka aitno lisak soulu batne ke elio ka taklak ane ina elio ane due metengen polou.

Kolosi 1:13

Oglou elio epmes ina ila arit plau ite e eknikane Ida Tapolngon ka iye lana iye ke Otno Arang lua ite ke udo elio epmes ina e due ite itodong ke omur ka Otno Arang plaue.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

Pelengon kukwopngon 2:21

Ngawaiki ma iye bauluk aitno ke ila elio epmes ina deka ngasongon iye dong isuk boto. E aurou. Iye bauluk aitno e pul dogur ke ila elio okwa ina kovok.”

Pelengon kukwopngon 2:5

Ke oglou umodue elio itau e eknikane umosongon lumu elio tonari e umegene kodong. Deka omtomu sisir ke elio ka oglou umodue. E umabauluk aitno lumu ke lumu elio epmes ina e umodue elio itau blang langka oglou umodue. Langka umodue langane kovok ma ngame ke umu e ngapi lumu wan ka lam dong ine ke umu.