Matyu 3:11 - Aria New Testament

¹¹ “E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Matyu 3:11 ပူးပေါင်းရင်းမြစ်များ

Matyu 3:6

E tiwai malak ke urok elio epmes ina deka iye paunim isak ke aki Jordan.

Mak 1:4

Mase Jon ka paunim osep me polou ke osep eriar langka oglou ari Aisaia sogo ine. E iye lila ke omur ka dong adai vala e iye napapra ke osep langane. “Umabauluk aitno lumu ke lumu elio epmes ina e aitno lumu mter ke elio itau ma umedidi elio paunimngen ina. Umodue elio langane deka ma Ida Tapolngon klok lumu elio epmes ina la.”

Luk 1:17

E Ano Itau due e ma iye due elio e arit langka Elaija e mgo ke Ida Puda e due osep aitno lisak tibauluk ke titorok e due osep ka tini Ida Tapolngon kovok tibauluk aitno lisak la ke elio ka osep itau tidue. Ma iye mosi osep aitno lisak ma tiwaiki tididi Ida Puda.”

Luk 3:16

E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Luk 3:3

Deka iye la ke omur ka dong lelei aki Jordan e napapra ma osep tibauluk aitno lisak e tidue elio paunimngen ina. Elio paunimngen ina tonari nisngen vala ke elio ka tibauluk aitno lisak ma Ida Tapolngon sak urok elio epmes ina la.

Jon 1:15

Gute Jon daiku e palongo ke iye langane. “Gute ane gute ka ngawai ke iye langane. ‘Gute ka me batne ke ngong iye mole ngong kesau iye dong kodong alo ka nina dau divir ngong kovok.’”

Jon 1:30

Gute ane gute ka ngawai ke iye alo ka ngawai langane. ‘Gute ka me batne ke ngong iye mole ngong kesua iye dong kodong alo ka nina dau divir ngong kovok.’

Aposel 1:5

Oglou Jon me deka iye paunim osep ke aki. E eknikane dau tauni kovok ma Ano Itau duru me dong ke aitno lumu.”

Aposel 19:4

Deka Pol wai ke isak lang-ane. “Oglou alo ka Jon paunim osep iye wai langane. ‘Osep eknikane umabauluk aitno lumu ke lumu elio epmes ina e umodue elio paunimngen ina. Mase gute silang ma me ke ngong e aitno lumu la dagar ke iye vala.’ Gute are iye Yesus.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 8:38

Iye wai langane deka due karis tonari la kovok deka Filip orwo gute plaungan ina tiduru tisep ke aki e Filip paunim iye.

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Taitus 3:5

Deka iye lua ite ke udo elio epmes ina. E aitno mter ke elio itau ka itodue e iye lua ite ke udo elio epmes ina kovok. Aurou. Iye tona aitno due ite deka iye lua ite ke udo elio epmes ina. Iye langka ris ite deka itopolou langka mimi edimor. Deka Ano Itau kar ite udo mosongon ka oku ina.

1 Pita 5:5

Umu auram aitno umeini osep ngongle urok pelengon. Umu ka pula keniye umepes umu kenmu kenmu langka umeini umu pulu. Ida Tapolngon ila pelengon wai langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”