Matyu 28:9 - Aria New Testament

⁹ E alo ka tisuong Yesus soson isak e wai ke isak langane. “Aitno lumu dong itau.” E tipolou ke iye e tikis kamla e tilotuim iye.

Matyu 28:9 ပူးပေါင်းရင်းမြစ်များ

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 23:7

Tiwaiki osep tidue anit ke isak e tiwai ‘oklou itau’ ke isak ke bilmu e tiwaiki osep tisir isak gute parerengen ina.

Matyu 28:10

Deka Yesus wai ke isak langane. “Umelim kovok e umala umapalongo lou osua ma isak kla ke omur Galili e ma tivati ngong ari.”

Matyu 28:17

E alo ka tivati iye tilotuim iye e dau isak leklou aitno lisak orwo ke iye.

Matyu 28:8

Deka tisongon ina denga e isak kla tisuong e aitno lisak nesik e dau tiketir blang. E tisuong ma tipalongo ila disaipel ine.

Luk 1:28

Ensel tonari la ke iye e wai langane. “Oklou itau Maria wom ka Ida Tapolngon due mada ke wom. Ida Puda dong kap wom.”

Luk 24:52

Deka tilotuim iye. E mase tiding ke Jerusalem e aitno lisak neser omba.

Luk 7:38

E iye dong ke Yesus dogurne olwo boto ke kamla e kngis omba e bitna olune baser e due Yesus kamla polou epi deka apmang sak kamla ke apna elilo e ene ngen Yesus kamla aling pula e baser wel ka amna itau ke kamla.

Jon 12:3

Deka Maria due wel ka amna itau lokono ka ina klingen omba ka ina anit langka kilo emkil e basere ke Yesus kamla e sak kamla ke apna elilo. E wel ila amnangan itau kading ninu keniye.

Jon 20:19

Epmes polou ke oklou tonari ka Sande e Yesus ila disaipel tidiva ekreng bitna ke ninu ka tidong ine. Tidiva ekreng bitna kesua tiulou tarna lisak ke osep Yuda ina. E Yesus polou e vri airavu ke isak e wai ke isak langane. “Aitno lumu dong epen.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Pelengon kukwopngon 3:9

Umeile kodong langane. Osep ka Satan ila osua tiwai isak osep Yuda ina. E isak osep Yuda ina kovok. Isak osep yakngan ina vala. Deka umoklingen. Ma ngadue osep tonari ma time tigrum kamsak ke omtomu ma tile langane. Ngong lana ngong ke umu.