Matyu 28:2 - Aria New Testament

² E suong orgi omba polou e Ida Puda ila ensel gesa duru ke omur heven e tabulbul opmu la e dong ine.

Matyu 28:2 ပူးပေါင်းရင်းမြစ်များ

Matyu 27:60

E due sep ke denga oku ka osep tiyase ke opmu ke iye tona ina denga. E iye tabulbul opmu omba ma kading denga ina ekreng bitna deka iye la.

Matyu 27:66

E isak kla e tipou ina denga dagar e tidue urok nisngen ke opmu ka kading ekreng bitna ma osep titabulbule kovok e tidue osep ola ina tiplau denga.

Jon 20:1

Ke oklou kene ina ke wik Maria ka armok Makdala ina la polou ke Yesus ina denga. Iye polou alo ka dau aivoro e isuk boto kotkotu lokono e iye vati opmu omba ka oglou kading denga bitna kadinge kovok.

Aposel 16:26

Deka ari orgi ombatno ka dagar lokono polou ka due kalabus batne nemilmil. E lokono kalabus ina ekreng bitna keniye tinoklok e sen ka tipou osep kalabus ina ine tinoklok tiduru.

Aposel 5:19

Tidong ine la lama epmes deka Ida Puda pagei ila ensel gesa polou ke isak. E ensel polou ke kalabus e klok kalabus ina ekreng bitna e paur isak tipolou ke dogur. Tipolou ke dogur kodong deka ensel wai ke isak langane.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

Pelengon kukwopngon 11:19

Ngaklingen pelengon tonari deka Ida Tapolngon ila ninu ka dong ke omur heven ina ekreng bitna noklok. E ke ila ninu aitno ngavati karoro ka Ida Tapolngon ila pelengon dagar dong ine. Deka ngavati aragu ina egle deka ngaklingen ngus omba e ngaklingen aragu nogrum omba deka taklak nemilmil omba e aragu omba ka langka ais duru ke taklak.