Matyu 28:19 - Aria New Testament

¹⁹ Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 28:19 ပူးပေါင်းရင်းမြစ်များ

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 25:32

E ma osep ka pula keniye ke taklak tiduni pulu ke bitna e ma iye wade isak kene kene langka gute ka plau sipsip wade sipsip ke meme.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 14:21

Tipolou ke Derbe deka tinapapra Yesus ila omon itau ke osep ka tidong are. Deka ari osep pula tipolou Yesus ila disaipel. Mase tisongon Derbe deka tibauluk kla ke Listra e ke Aikoniam e ke Antiok blang.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 28:28

­Pol wai langane deka wai ke isak blang langane. “Osep umoklingen e umeile langane. Eknikane Ida Tapolngon pagei ila omon itau ka la ke elio ka iye lua osep ke urok elio epmes ina ke osep ka isak osep Yuda ina kovok. E ma tiklingen ke iye.”

Aposel 9:18

Iye wai langane deka lokono wan langka sakarkar nesluk ke Sol bitna deka Sol vati omur blang. Deka iye tito e osep tipaunim iye.

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

1 Korin 15:29

Langka osep ka timete kodong tikaranga tipoga titito ke inarak denga kovok batne lange osep leklou tidue elio paunimngen ina ma lua osep ka timete kodong?

Galesia 3:27

Umu ka pula keniye umodue elio paunimngen ina kesua umeneklep ke Krais kodong. E umopolou itau langka Krais polou itau.

Efesus 2:18

Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Jon 5:7

Ano Itau ka iye pelengon lokono batne palongo udo elio ane lokono.