Matyu 27:24 - Aria New Testament

²⁴ Alo ka Pailat ile tiklingen ila pelengon kovok e isuk boto evlei omba polou iye due aki e ris limla ke amtarsak e wai ke isak langane. “Gute ane ina metengen batne dong ke ngong kovok. Ane lumu wan vala.”

Matyu 27:24 ပူးပေါင်းရင်းမြစ်များ

Matyu 26:5

E tiwai langane. “Itodue elio ane alo ka itodue rogo dau kovok lama itosruk osep aitno lisak ma tidue evlei.”

Matyu 27:19

E silang alo ka Pailat dau dong ke kova ka iye wade osep ine ila asap vai omon ke iye ka langane. “Omdue wan gesa ke gute ka itau e osuk are kovok kesua ngamunu kudung anngong e aitno lungong kro lokono batne ke iye.”

Matyu 27:23

E Pailat pmi isak blang langane. “Ina lange? Iye due elio soulu lange?” E osep tidaiku omba ma tinilim Yesus ke ina akai.

Matyu 27:4

E iye wai langane. “Ngadue elio epmes ina alo ka ngalai Yesus ina ka iye due elio soulu gesa kovok ma iye mete ine.” Deka tikoli tiwai langane. “Are wan gesa kovok ke imi e lem wan vala.”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 27:9

E elio ane due gute napaprangan ina Jeremaia ila pelengon polou lokono. Iye wai langane. “Tidue mani silva iseklu ka osep Israel ina leklou tiwai pulu ine ma tikli gute ina metengen ine.

Jon 13:9

Deka Pita koli wai ke iye langane. “Ngau Puda omgrong kongu vala kovok. Omgrong lungu e bara lungong blang.”

Jon 19:4

Deka Pailat la ke osep Yuda ina blang e wai ke isak langane. “Osep umoklingen. Ngapaur gute ane ke omtomu ma umakaranga umeile ngaile ila elio gesa vri ke iye ma iye mete ine kovok.”

Aposel 3:14

E dau umepli iye e ila elio kene gesa vri ke iye kovok. Iye tona ila elio keniye itau lokono vala. E dau umepmi Pailat ma iye songon gute gesa ka due burwa ma iye la e umawaiki Yesus mete.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.