Matyu 27:2 - Aria New Testament

² E tipou limla e tipaur iye la e tikar iye ke gute Pailat ka iye vri mgo ke osep Rom ina ke omur are.

Matyu 27:2 ပူးပေါင်းရင်းမြစ်များ

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 28:14

E langka gute ka vri mgo ke osep Rom ina ke omur ane klingen ke elio ane ma imawai ke iye e imomosi pelengon ine ma wan gesa polou ke umu kovok.”

Luk 13:1

Deka osep leklou ka tidong are tibasik ke Yesus ke alo ka Pailot vai osep ola ina ma tidue burwa ke osep Galili ina leklou alo ka tidue elio opmu ina. Deka osep ola ina tibuli osep tonari inarak marau kap ongwa ka tidue elio opmu ina ine inarak marau.

Luk 20:20

E osep tonari tipalem Yesus ila elio e tivai osep langka esim e tiyakyak langka urok elio itau. Tiwaiki tiyak iye ma iye wai pelengon ka tikaranga tisin pelengon vri ke iye ine e tikar iye ke gute ka vri mgo ke omur emkil ma iye kotim iye.

Luk 23:1

Deka isak keniye titito e tipaur Yesus la ke Pailot.

Luk 23:12

E langane. Oglou Herot e Pailot aitno lisak soulu pulu e nogrum ke oklou are aitno lisak itau pulu.

Luk 3:1

Ke tobor songotno elme ina ke alo ka gute Sisar ka angaine Taiberius vri mgo ke osep Rom ina Pontius Pailat plau omur Judia e Herot plau omur emkil Galili. E ina aiver Filip plau omur emkil Ituria e Trakonitis e gute Lisanias plau omur emkil Abilene.

Jon 18:12

Deka osep ola ina ka osep Rom ina kap gute ka vri mgo ke isak e osep ka tiplau Ida Tapolngon ila ninu tidue Yesus e tipou limla ke galou.

Jon 18:24

Deka Anas pagei Yesus la ke Kaiafas ka iye gute loulou ina ka mgo. E dau tipou Yesus limla ke galou.

Jon 18:28

Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok.

Aposel 12:6

Pita dau dong ke kalabus aitno deka ke oklou ka me Herot waiki Pita polou ke osep pula amtarsak. Epmes polou deka Pita munu kudung airavu ke osep ola ina orwo. Ari tipou sen orwo ke Pita limla orwo e tipou limsak ine blang. Osep ka tiplau kalabus tonari ina ekreng bitna tivri ine e tiplaue itau.

Aposel 21:33

E osep ola ina inarak plaungan ka mgo polou ke Pol e tikis iye dagar. E iye wai ke osep ola ina langane. “Umodue sen orwo e umopou iye ine.” Deka iye pmi osep pula langane. “Gute ane iye sei? Iye due sua?”

Aposel 22:25

E osep ola ina tipou Pol kesua tiwaiki tiules iye. E Pol wai ke gute ka plau osep ola ina buno kene ka vri olwo boto ke iye langane. “Langka umoules gute Rom ina e umoklingen ila pelengon mgo kovok are lumu elio itau koke aurou?”

Aposel 22:29

Pol wai langane deka lokono osep ari ka tiwaiki tipmi iye ke ila pelengon batne tinekrik tipolou. E osep ola ina inarak plaungan ka mgo ano nesik kesua osep ola ina tipou Pol ka iye gute Rom ina gesa ke sen.

Aposel 24:27

E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 28:20

Ngagi umu ma itoduni pulu ma ngapalongo lumu ke elio batne ka osep tipou ngong ke sen. Umoklingen. Aitno lungong dagar ke gute ka oglou udo seia tidong dau tauni e tipara ke iye ma iye me lua osep Israel ina. Aitno lungong langane e osep tipou ngong batne aitno lungong dagar ke iye.”

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.

Aposel 9:2

E iye wai langane. “Omsogo pas leklou ma ngakalke isak ngala ke osep Yuda ina urok duningen ina ninu ninu ka tidong ke armok Damaskus.” Deka gute loulou ina tonari sogo ila pas leklou ka wai langane. “Langka gute Sol pado osep arang e apmang ka tididi elio oku ina ma iye pou isak e paur isak time ke Jerusalem.” Iye sogo langane deka kar pas ke Sol.

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

Hibru 13:3

Omtomu sisir osep ka tidong ke kalabus e aitno lumu mter langka umodong ke kalabus kap isak. E omtomu sisir osep ka agegeng polou ke isak langka agegeng polou ke umu blang.