Matyu 26:63 - Aria New Testament

⁶³ E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 26:63 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 26:62

E gute loulou ina ka mgo tito e wai ke Yesus langane. “Emklingen osep orwo ane urok pelengon. E omkoli urok pelengon koke aurou?”

Matyu 27:12

E alo ka osep loulou ina ka omba e osep namormor tisin elio vri ke iye deka iye koli urok pelengon kovok.

Matyu 27:14

E dau iye koli urok sinngen elio kene vala kovok e gute ka vri mgo ke osep Rom ina digrik ine.

Matyu 27:40

E tiwai ke iye langane. “Wom ka amwai amkaranga amdar Ida Tapolngon ila ninu deka omurie blang ke oklou eklu omlua wom tona. Langka wom Ida Tapolngon Otno Arang omduru ke ngap akai.”

Matyu 27:43

Aitno dagar ke Ida Tapolngon e sir iye tona Ida Tapolngon Otno Arang. Langka Ida Tapolngon waiki lua iye ma iye lua iye oku ane.”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 14:61

E Yesus dau koli urok pelengon kovok. Iye dong vala. Deka gute loulou ina ka mgo pmi iye langane. “Wom Krais ka Ida Tapolngon ka dong egim Otno Arang wom?”

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 10:24

E osep Yuda ina tidong lelei Yesus e tipmi iye langane. “Ma imodong tauni e aitno limi mter ke wom koke aurou? Langka wom gute Krais ka Ida Tapolngon rere ma omlua osep ke urok elio epmes ina amwai malak ke imi.”

Jon 10:30

Ngong e Livou imi eriar vala.”

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 19:7

Deka osep Yuda ina tikoli tiwai langane. “Limem pelengon dagar dong ka wai gute ane ma mete. Kesua iye wai iye Ida Tapolngon Otno Arang.”

Jon 19:9

Deka iye sep ke ila ninu blang e pmi Yesus langane. “Lem omur batne ge?” E Yesus koli wai ke iye kovok.

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Jon 8:25

Yesus wai langane deka osep tipmi iye langane. “Wom sei?” Deka Yesus koli wai ke isak langane. “Ngong gute ka ngawai ke umu ke iye kodong. E ngawai langane oglou lila me.

2 Korin 1:19

Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.

1 Pita 2:23

Alo ka osep tiwai soulu ke iye io iye koli urok pelengon ke pelengon soulu blang kovok. Alo ka osep tidue agegeng ke iye io iye dong vala e wai ma iye koli urok elio soulu kovok. Aurou. Aitno dagar ke Ida Tapolngon e iye ile Ida Tapolngon ma didi ila elio itau e wade osep ka pula keniye ine.