Matyu 26:28 - Aria New Testament

²⁸ Kesua wan ane ngau marau ka la ke Ida Tapolngon ila kontrak ka iye wai e ma iye didie. E ma ngau marau baser ma sak osep urok elio epmes ina.

Matyu 26:28 ပူးပေါင်းရင်းမြစ်များ

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 26:27

E iye due kap ka aki wain dong ine e wai tenkyu ine e kare ke isak e wai langane. “Umu keniye umeinim.

Matyu 26:29

Ngawai ke umu langane. Ma ngainim aki wain blang kovok la lama ngainim oku kap umu ke omur ka Livou plaue.”

Matyu 6:12

Amsak limem elio soulu e omlua imi ma imasak elio soulu ka osep tidue ke imi.

Mak 1:4

Mase Jon ka paunim osep me polou ke osep eriar langka oglou ari Aisaia sogo ine. E iye lila ke omur ka dong adai vala e iye napapra ke osep langane. “Umabauluk aitno lumu ke lumu elio epmes ina e aitno lumu mter ke elio itau ma umedidi elio paunimngen ina. Umodue elio langane deka ma Ida Tapolngon klok lumu elio epmes ina la.”

Mak 14:24

Deka iye wai ke isak langane. “Wan ane ngau marau ka didi Ida Tapolngon ila kontrak ka oglou iye wai dagar ine. Ma ngamete deka ma ngau marau baser ma kli osep ka pula keniye urok elio epmes ina.

Luk 22:19

E iye due bret e wai tenkyu ke Ida Tapolngon ine e tuktuke e kare ke isak e wai langane. “Bret ane pampamu lungong ka ngakare ma lua umu. Aling aling alo ka umengen bret langane omtomu sisir ke ngong.”

Luk 22:20

Alo ka tingen yagos iye due kap ka aki wain dong ine e wai ke isak langane. “Aki wain ane iye kontrak oku ka ngadue ke ngau marau ka baser ma lua umu.

Pas ka Pol sogoe uti la ke osep Rom ina 5:15

E Adam ka mgo ke ite e gute ka mase dau tauni me polou ke ite urok elio la pulu kovok. Kesua oglou Adam due elio epmes ina. Deka osep ka pula keniye ka tipolou batne ke iye timete batne ke elio epmes ina tonari ka iye due. E gute Yesus due elio epmes ina gesa langka oglou Adam due kovok. Aurou. Yesus me polou ke ite e lua ite vala e dong itau vala. Deka Ida Tapolngon due ila makaingan polou ke osep ka pula keniye e lua isak ke urok elio epmes ina. Iye lua osep langane batne ke gute kene Yesus Krais vala.

Pas ka Pol sogoe uti la ke osep Rom ina 5:19

Oglou gute kene Adam dar Ida Tapolngon ila pelengon deka itosep ka pula keniye itopolou osep epmes ina ine. E mase dau tauni Yesus me dong e didi Ida Tapolngon ila pelengon keniye. E eknikane Ida Tapolngon due itosep pula itopolou itau e osuk ke bitna. Kesua batne oglou Yesus didi ila elio keniye vala.

1 Korin 11:25

Deka alo ka tingen inarak ngangon yagos Yesus due kap gesa ka aki wain dong ine e wai blang langane. “Aki wain ane kontrak oku ina ka ngadue ke ngau marau. Aling aling alo ka umeinim aki wain umodue langane ma omtomu sisir ngong.”

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Kolosi 1:14

Ida Tapolngon Otno Arang kli ite ke udo elio epmes ina e klok udo elio epmes ina la.

Kolosi 1:20

E Ida Tapolngon Otno Arang due wan ka pula keniye ma tigosok iye tidong aitno lisak kene pulu. Wan ka taklak ina e wan ka omur heven ina. Deka iye songon Krais iye mete ke ina akai e ina marau baser. Ke elio tonari Ida Tapolngon due osep ka pula keniye tidong aitno lisak epen pulu kap iye.

Hibru 10:29

Langka elio tonari dong deka aitno lumu lange ke gute ka pul dogur ke Ida Tapolngon Otno Arang? Ma Ida Tapolngon due elio lange ke iye? Ida Tapolngon ma due agegeng omba ke iye kesua ane langka gute tonari aitno mter Krais ina marau wan adai vala. E Krais ina marau batne ke Ida Tapolngon ila kontrak oku ina ka due osep tidong itau ke Ida Tapolngon bitna. E iye wai soulu ke Ano Itau ka makai iye.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Jon 2:2

Iye tona kli udo elio epmes ina. E iye kli ite tona udo elio epmes ina vala kovok. Aurou. Iye kli osep ka pula keniye ka tidong ke taklak urok elio epmes ina.

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.

Pelengon kukwopngon 7:9

Mase omtongu lila blang deka ngavati osep pula lokono tiduni pulu tidong e itakaranga itetik inarak sasa kovok. Osep tonari tipolou ke osua kene kene e ke omur ka pula keniye e tarna lisak bitna bitna e tiwai tokples bitna bitna. E tivri ke kova bitna e ke Sipsip Otno bitna blang. E titnei molo okou ka kading damansak la iding ke kamsak e tikis ongup elilo ke limsak.