Matyu 26:2 - Aria New Testament

² “Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”

Matyu 26:2 ပူးပေါင်းရင်းမြစ်များ

Matyu 10:4

E Saimon silang ka iye gute ka tisir iye gute Selot ina. Osep Selot ina isak osep ka tiwaiki kantri silang plau isak kovok. E Judas Iskariot ka iye gute ka mase lai Yesus ina.

Matyu 17:22

Tiduni pulu ke omur Galili e Yesus wai ke isak langane. “Osep ma tikar ngong ka Gute Ka Polou Langka Osep ke osep leklou.

Matyu 27:4

E iye wai langane. “Ngadue elio epmes ina alo ka ngalai Yesus ina ka iye due elio soulu gesa kovok ma iye mete ine.” Deka tikoli tiwai langane. “Are wan gesa kovok ke imi e lem wan vala.”

Luk 22:15

E iye wai ke isak langane. “Ngawaiki lokono ngangen rogo omba ina ngangon ane kap umu mgo ke alo ka nganamani elio soulu e tarna lungong doro doro ine ka osep ma tidue ke ngong.

Jon 11:55

Alo ari rogo omba ka lana ine la ke alo ka Ida Tapolngon lua osep Yuda ina tisongon omur Isip isuk boto polou. E osep pula tisongon urok armok armok e isak kla ke Jerusalem ma tididi apu ka due aitno lisak itau ke Ida Tapolngon bitna mgo ke rogo omba.

Jon 12:1

Oklou lumakene dau dong deka tingen rogo omba ka lana ine la ke alo ka Ida Tapolngon lua osep Yuda ina tisongon omur Isip e Yesus la polou ke Betani. Gute Lasarus ka iye due poga tito ke ina denga dong ke armok tonari.

Jon 18:2

E Judas ka iye lai Yesus ina ile ke yage tonari blang kesua aling pula Yesus dong are kap ila disaipel.

Jon 18:32

Oglou Yesus wai ke elio ka iye ma mete ine e wan ane polou ma due Yesus ila pelengon polou lokono.

Jon 2:13

Alo ka isuk boto rogo omba ka lana ine la ke alo ka Ida Tapolngon lua osep Yuda ina tisongon omur Isip polou deka Yesus tito la ke Jerusalem.