Matyu 25:46 - Aria New Testament

⁴⁶ E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 25:46 ပူးပေါင်းရင်းမြစ်များ

Matyu 13:43

Deka osep ka tidong itau ke Ida Tapolngon bitna ma tibublo langka oklou ke omur ka Pmarak plaue. Langka umakaranga umoklingen pelengon ane deka umoklingen itau.”

Matyu 19:16

Mase gute kene me ke Yesus e wai langane. “Gute parerengen ina ngadue elio itau sua ma ngadue mosongon ka dong vala dong?”

Matyu 19:29

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Matyu 25:45

Deka gute ka vri mgo ke omur ma koli wai ke isak langane. ‘Ngawai lokono ke umu. Langka umodue elio tonari kovok ke lou osua lama angainsak daudeng e tidong moli ke osep leklou umodue ke ngong kovok blang.’”

Luk 16:26

E silang blang langane. Ida Tapolngon due olung omba dong airavu ke imi e umu ma osep ka tiwaiki tisongon ane e isak kla are tikaranga kovok. E osep ka tiwaiki tisongon are e time ane tikaranga kovok blang.’”

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 5:29

E ma tisongon inarak denga. Osep ka oglou tidue elio itau ma titito e tidue mosongon ka dong vala dong e osep ka oglou tidue elio soulu ma titito e Ida Tapolngon ma wade isak.”

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 13:48

Osep ka isak osep Yuda ina kovok tiklingen Pol orwo Barnabas urok pelengon deka aitno lisak neser ine. Deka tiwai langane. “Ida Puda ila pelengon itau lokono.” Deka osep keniye ka Ida Tapolngon rere isak ila osep aitno lisak la dagar ine.

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Galesia 6:8

E lana ine langane. Langka gute gesa usak wan ke aitno oglou ina ma aitno oglou ina due elio soulu polou ke iye tona aitno e ma due agegeng ke aitno. E langka iye usak wan ke Ano Itau ma Ano Itau due elio itau polou ke aitno e iye ma dong vala dong.

2 Tesalonaika 1:9

Ida Tapolngon ma due pogle ke isak ka dong vala dong. E ma iye sapir isak ma tidong mawa ke Ida Puda e ila bublongon e ila arit ka itau lokono.

1 Jon 2:25

E Krais wai promis kodong ma iye kar mosongon ka dong vala dong ke ite.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”