Matyu 25:41 - Aria New Testament

⁴¹ “Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Matyu 25:41 ပူးပေါင်းရင်းမြစ်များ

Matyu 13:40

E langka tidue e tigilgil aswei ma eiou ngen isak wan langane ma polou alo ka taklak yagos.

Matyu 13:42

E tiuri isak ke eiou omba e ma osep tonari tikngis omba e tisak orsak erine pulu kesua tarna lisak doro doro lokono.

Matyu 13:50

E tiuri isak ke eiou omba e ke omur tonari osep ma tikngis omba e ma tisak orsak erine pulu kesua tarna lisak doro doro lokono.”

Matyu 18:8

E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong.

Matyu 25:42

Kesua sapanga due ngong e umakar ngangon ke ngong kovok e aki vel ngong e umakar aki ke ngong kovok.

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 3:12

E iye kis wan ka iye wade wit erine ine e iye ma gir omur ka timluk wit erine ine. Iye ma tagom wit otna ke ina yage ila ninu e iye ma uri wit tokonkon ke eiou ka ila yagosngon kovok.”

Matyu 4:10

Deka Yesus koli wai langane. “Satan amla. Kesua gute sogo Ida Tapolngon ila pelengon palma langane. ‘Omlotuim Ngap Puda ka Ngap Tapolngon e due ila bokongon vala.’”

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Matyu 7:23

E ma ngawai ke isak langane. ‘Ngaile umu kovok. Umu osep soulu bitna e ngawaiki ngavati umu kovok. Umala.’”

Luk 13:27

E gute tonari ma koli wai langane. ‘Ngawai ke umu langane. Ngaile lumu omur batne kovok. Umu ka umodue elio soulu umala ke ngong.’”

Luk 16:24

Deka iye gi langane. ‘Livou Abraham aitno lugom due ngong e ampagei Lasarus me ma iye due limla titno sep ke aki e kai ogu blene ine ma epen. Kesua ngananami doro lokono ke eiou ane.’

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

2 Tesalonaika 1:9

Ida Tapolngon ma due pogle ke isak ka dong vala dong. E ma iye sapir isak ma tidong mawa ke Ida Puda e ila bublongon e ila arit ka itau lokono.

Hibru 6:8

E langka galou marak e aswei tipolou ke taklak osep tivati taklak are langka taklak ka sasi vala. Deka isuk boto ma Ida Tapolngon wai ina soulu ina duru ine e ma eiou ngene.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.