Matyu 25:4 - Aria New Testament

⁴ E apmang ka aitno lisak mter itau tikalke wel leklou ke urok lam ke botol.

Matyu 25:4 ပူးပေါင်းရင်းမြစ်များ

Matyu 10:16

“Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Matyu 25:2

E apmang elme ke isak aitno lisak kaka e apmang elme leklou aitno lisak mter itau.

Matyu 25:3

Kesua alo ka apmang ka aitno lisak kaka tikalke urok lam tikalke wel leklou kape kovok.

Matyu 25:5

E alo ka gute ka ma gi me dau kovok isak keniye amtarsak bunga e timunu kudung.

Matyu 7:24

“Gute sei ka klingen lou pelengon e inie iye langka gute ka ile omur itau deka yas taklak e uri ila ninu ke opmu ma ninu dong dagar.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

Pas ka Jut sogoe 1:19

E tiwaiki tidue umu ka Ida Tapolngon ila osep ma umadardar. Tididi osep taklak ina aitno lisak vala e Ano Itau dong ke aitno lisak kovok.