Matyu 25:35 - Aria New Testament

³⁵ Kesua alo ka sapanga due ngong umakar ngangon ke ngong ma ngangen e alo ka aki vel ngong umakar aki ke ngong ma ngainim e alo ka ngadong langka gute kaulei umodue ngong ngasep ke lumu ninu.

Matyu 25:35 ပူးပေါင်းရင်းမြစ်များ

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 26:11

Kesua aling aling osep ka urok wan isuk boto vala tidong kap umu. E ngong ma ngadong kap umu aling aling kovok.

Mak 14:7

Langka osep ka urok wan bitna bitna isuk boto vala io ma tidong kap umu aling aling. Deka oklou lange ka umawaiki umodue elio itau ke isak umakaranga umodue. E langka ngong io mase ma ngadong kap umu kovok deka ma umakaranga umodue elio itau ke ngong blang kovok.

Luk 11:41

E umakar wan ka dong ke aitno lumu ke osep ka urok wan isuk boto vala e ma wan bitna bitna tipolou eip ke umu.”

Jon 13:29

E Judas plau karoro ka urok mani dong ine e ke batne langane isak leklou aitno lisak mter Yesus wai ma iye la kli urok rogo omba ina wan koke ma iye la kar mani leklou ke osep ka urok wan isuk boto vala.

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Aposel 16:15

Deka imapaunim iye gosok osep leklou ka tidong ke ila ninu. Imapaunim isak yagos deka Lidia wai ke imi langane. “Langka aitno lumu mter aitno lungong dagar lokono ke Yesus deka umomo umodong kap ngong ke lou ninu.” Iye wai dagar ke imi langane deka imala imodong kap iye.

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 12:20

Ida Tapolngon wai blang lang-ane. “Langka sapanga due ngap oul deka amkar iye nga-ngon. E langka aki vel iye deka ma amkar iye aki. Langka omdue langane lem elio itau ma mnak iye ke ila elio soulu.”

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.