Matyu 25:34 - Aria New Testament

³⁴ Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 25:34 ပူးပေါင်းရင်းမြစ်များ

Matyu 13:35

Ma pelengon ka gute napaprangan ina kene wai polou lokono. Pelengon tonari langane. “Ma ngawai pelengon ano ke pelengon ka oglou dong kukwop alo ka Ida Tapolngon tapol wan ka pula keniye e me ke oku ane.”

Matyu 19:29

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

Matyu 20:23

Deka Yesus wai ke isak langane. “Ma umanamani elio soulu ka nganamani e dau ngakaranga ngawai sei ma dong ke galna lungong odung e sei ma dong ke galna lungong gala kovok. Aurou. Livou rere osep seisei ma tidong ge.”

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Matyu 27:37

E tidue sogongon egim ke baraine ka wai ke ina metengen batne. Sogongon tonari langane. “Gute ane Yesus ka vri mgo ke osep Yuda ina.”

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 5:19

Langka gute aitno mter sogongon palma ke Moses ila sogongon iye wan gesa kovok e parere osep leklou ma aitno lisak mter langane blang ma gute tonari angaine daudeng lokono ke omur heven ka Ida Tapolngon plaue. E gute ka didi Moses ila sogongon e parere osep leklou tididie blang ma angaine omba ke omur ka Ida Tapolngon plaue.

Mak 10:17

Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Mak 10:40

E ngakaranga ngawai sei ma dong ke lungu odung e sei ma dong ke lungu gala kovok. E osep orwo ka mase tidong ine isak osep ka Ida Tapolngon rere isak kodong.”

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Luk 11:50

Deka osep napaprangan ina ka osep tidue burwa ke isak nogrum ke alo ka Ida Tapolngon tapol taklak oku urok metengen batne munu pes umu osep ka umodong oku ane.

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 12:13

E tiblou ongup komo e isak kla ke iye e tidaiku omba langane. “Itakakai Ida Tapolngon angaine tito la egim. Ma Ida Tapolngon aitno itau itau ke gute ka me ke Ida Puda angaine. Iye gute ka ma vri mgo ke osep Israel ina.”

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 19:15

E tidaiku langane. “Umapaur iye la. Ma iye la. Umenilim iye ke ina akai.” E Pailat wai ke isak langane. “Umawaiki nganilim gute ka vri mgo ke umu ke ina akai?” E osep loulou ina ka omba tikoli tiwai ke iye langane. “Sisar vala iye gute ka vri mgo ke imi.”

Aposel 15:18

Ida Puda wai pelengon tonari kodong e due osep tile ine oglou lila me kodong.’”

Aposel 3:26

Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

2 Timoti 2:12

Langka itodong dagar ke elio ka opru ite mase ma itaplau osep kap Krais. E langka itopul dogur ke Krais mase ma iye pul dogur ke ite.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 4:3

E ite ka aitno lite la dagar ke Ida Tapolngon kodong ma itesep ke omur ka itomtong ine. E Ida Tapolngon wai langane. “Aitno lungong engil deka ngawai dagar langane. Ma tisep ke lou omur ma timtong ine kovok.” Ida Tapolngon wai pelengon tonari e dau iteile Ida Tapolngon aitno mter ke wan ka pula keniye ma iye due nogrum ke alo ka iye tapol wan ka pula keniye.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

1 Pita 1:9

Aitno lumu neser langane kesua umeile Ida Tapolngon lua umu ke lumu elio epmes ina. Ke batne langane aitno lumu la dagar ke Krais.

1 Pita 3:9

Alo ka osep tidue elio soulu ke umu deka umokoli urok elio soulu kovok. E alo ka osep tiwaiki tiluk umu umokoli e umeiluk isak blang kovok. Umawai itau ke Ida Tapolngon ma iye kere isak vala. Kesua alo ka Ida Tapolngon rere umu ila osep iye wai ma iye kar umu ila kerengen.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 17:8

Ongwa kevena ka amvati iye dong ke oglou e eknikane dong kovok e isuk boto ma iye tito ke ovuk ka duru la ke moli lokono e me deka Ida Tapolngon ma due agegeng ke iye ma iye yagos. E osep ka tidong ke taklak ka angainsak tidong ke Ida Tapolngon ila buk ka mosongon ina kovok nogrum ke alo ka Ida Tapolngon due taklak ma tidigrik e aitno lisak mter pula ine. Kesua ke oglou ongwa tonari dong e eknikane iye dong kovok e mase ma iye dong blang.”

Pelengon kukwopngon 19:16

E ngavati sogongon dong ke ila molo ka alang e ke eser ine. Sogongon tonari angaine silang ka langane. Gute Ka Vri Mgo Ka Plau Osep Ka Pula Keniye Ka Tivri Mgo Ke Omur Omur e Ida Puda Ka Plau Osep Inarak Puda Ka Pula Keniye.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”

Pelengon kukwopngon 5:10

E omdue isak tipolou osep loulou ina ke Ipem Tapolngon e tidong langka osep ka tivri mgo ke omur omur e ma tiplau osep ka pula keniye ke taklak.”