Matyu 25:21 - Aria New Testament

²¹ Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:21 ပူးပေါင်းရင်းမြစ်များ

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 24:47

Ngawai lokono ke umu. Gute tonari ma due wokboi nating plau ila wan keniye.

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Luk 12:44

Ngawai lokono ke umu langane. Gute tonari ma due gute bokongon ina ma iye plau ila wan keniye.

Luk 16:10

“Gute ka karanga plau wan daudeng itau karanga plau wan omba itau blang. E gute ka didi elio ka osuk kovok alo ka iye plau wan daudeng ma iye didi elio ka osuk kovok alo ka iye plau wan omba blang.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 14:3

E ngala e ngakere lumu omur e mase ma ngaiding e ngadue umu ma umodong kap ngong ke omur ka ngadong ine.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

2 Korin 10:18

Deka langane. Langka gute kakai iye tona angaine ke ila bokongon ane wan adai vala. E langka Ida Puda kakai gute angaine ke ila bokongon ane wan omba.

2 Korin 5:9

Aimana lite langane. Lama itodong ke pampamu lite ane koke itosongone itawaiki ma Ida Puda aitno itau ke elio ka itodue.

Filipai 1:23

Aitno lungong orwo ine. Ngawaiki ngala ngadong kap Krais. Are itau.

1 Timoti 3:13

Gute ka boko ke sios e due ila bokongon itau ma osep tidue anit ke iye. E ma iye lim alo ka iye palongo osep ke aitno ila dagar ka la ke Krais Yesus kovok.

2 Timoti 2:12

Langka itodong dagar ke elio ka opru ite mase ma itaplau osep kap Krais. E langka itopul dogur ke Krais mase ma iye pul dogur ke ite.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.

Pelengon kukwopngon 7:17

Kesua Sipsip Otno ka dong olwo boto ke kova ma dong langka inarak plaungan. Ma iye paur isak kla ke ovuk ka aki novlukvluk polou ine. Aki tonari kar isak mosongon itau. E Ida Tapolngon ma sak amtarsak olune ma tikngis blang kovok.”