Matyu 25:14 - Aria New Testament

¹⁴ “Alo ka Gute Ka Polou Langka Osep ma iding me omur heven ka Ida Tapolngon plaue ma dong langane. Aling kene gute waiki la ke ila langan e gom ila wokboi nating e wai ke isak ma tiplau ila wan keniye.

Matyu 25:14 ပူးပေါင်းရင်းမြစ်များ

Matyu 21:33

“Umoklingen e ma ngawai pelengon ano silang ke umu. Gute kene usak ila yage galou wain ina e uri ari lelei yage e yas ovuk ma wan ka por galou wain toru ine dong ine e iye uri ninu ka dong egim ma osep tidong ine e tiplau yage. E iye due osep leklou ma tidong tiboko ke yage ma tidue galou wain toru ine leklou. Deka iye la ke langan ke omur mawa.

Mak 13:34

Elio ka mase ma polou iye langka gute ka due ila langan ke omur ka mawa ka iye waiki dong dau tauni ine. Alo ka iye waiki songon ila ninu la iye wai ke ila wokboi nating ke bokongon bitna bitna ka iye waiki tidue. E iye kar pelengon ke gute ka plau ila ninu ina ekreng bitna ma iye plaue itau.

Luk 20:9

E iye wai pelengon ano ke osep langane. “Gute kene usak ila yage galou wain ina e due osep ma tiklie ke taiko kene kene e tidong tiboko ine. Deka iye la ke omur mawa e dong tauni.

1 Korin 12:4

Ida Tapolngon ila kerengen bitna bitna tidong e Ida Tapolngon Ano Itau kene vala.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.