Matyu 25:1 - Aria New Testament

¹ “Alo ari omur heven ka Ida Tapolngon plaue dong eriar langka apmang belbela songotno ka tikalke urok lam e isak kla tipara ke gute ka ma gi.

Matyu 25:1 ပူးပေါင်းရင်းမြစ်များ

Matyu 13:24

E Yesus wai pelengon ano silang langane. “Omur heven ka Ida Tapolngon plaue iye langka gute ka lila ser londo itau ke ila yage.

Matyu 13:31

E Yesus wai pelengon ano silang langane. “Omur ka Ida Tapolngon plaue langka mastet londo ka gute la ser isak ke ila yage.

Matyu 13:38

Yage iye taklak ka pula keniye e londo itau isak osep ke omur ka Ida Tapolngon plaue e londo sasi isak Satan ila osep.

Matyu 13:47

“E silang omur ka Ida Tapolngon plaue langka omdu lodu ina ka osep tiuri ke misuon e omdu due lodu bitna bitna pula.

Matyu 20:1

Yesus wai pelengon ano langane. “Omur heven ka Ida Tapolngon plaue dong langane. Ke oklou kene ke 6 kilok ke kotkotu gute gesa la ke bilmu e waiki due osep ma tiboko ke ila yage galou wain ina.

Matyu 22:2

“Omur heven ka Ida Tapolngon plaue langane. Gute ka vri mgo ke omur kene waiki due rogo omba kesua otno arang ma gi.

Matyu 25:7

Deka apmang songotno titipa e tikere urok lam.

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 9:15

Yesus koli wai ke isak langane. “Langka isuk boto gute ma gi io ila saten tipli inarak ngangon alo ka gute dong kap isak kovok. E mase ma osep tidue gute tonari la e iye dong kap isak kovok deka ma tipli inarak ngangon.”

Jon 18:3

Deka Judas due osep ola ina leklou ke osep Rom ina e osep leklou ka tiplau Ida Tapolngon ila ninu. Osep loulou ina ka omba e osep Farisi ina tipagei osep ka tiplau Ida Tapolngon ila ninu tonari isak kla kap Judas. E tikalke lam e esluk e evlei ina wan e isak kla ke yage.

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

Aposel 20:8

Ari imoduni pulu ke ninu gesa ka ina asang kene ina tito la ke asang orwo ina tito la ke asang eklu ina. E imoduni pulu ke ina eliang ka dong egim lokono. Eliang tonari ina lam pula mana ine. E gute auram ka angaine Yutikus dong ke limem duningen. Iye dong ke windo gesa e munu kudung ngangik lokono alo ka Pol dong tauni ke ila pelengon deka iye gene duru ke taklak. Deka osep tisongon eliang ka egim e tiduru kla tipolou ke iye e tikalke kesua iye mete.

1 Korin 11:2

Aling aling omtomu sisir ngong e umedidi parerengen ka ngakare ke umu kodong. Deka ngawai langane. Ke elio ane umodue elio itau lokono.

2 Korin 11:2

Ngong lana ngong ke umu langka Ida Tapolngon lana iye ke umu. E ngarere umu langka umegi Krais e ngawaiki umodong itau lokono langka apmang ka dau due elio kap gute kovok aitno la ke gute ka iye ma gi iye.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Pelengon kukwopngon 14:4

Ke oglou osep tonari tidue elio kap apmang kovok e tidong itau vala. E tididi Sipsip Otno ke omur omur ka iye waiki la ine. Isak osep ka Ida Tapolngon kli urok elio epmes ina alo ka tidong kap osep ke taklak. Deka isak langka osep mgongon ina ka me ke Ida Tapolngon e ke Sipsip Otno.

Pelengon kukwopngon 19:7

Deka itasandir omba e aitno lite dong itau lokono e itakakai Ida Tapolngon angaine tito la egim. Kesua taim ka Sipsip Otno due ila asap polou kodong e ila asap kere ila wan bitna bitna kodong.

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.

Pelengon kukwopngon 21:9

Io ensel kene ke ensel lumorwo ka tikis dis ka agegeng lumorwo ka due Ida Tapolngon aitno ila engil yagos dong ine me ke ngong e wai langane. “Omo ma nganis wom ke apmang ka Sipsip Otno ila asap.”

Pelengon kukwopngon 4:5

E mgongon ke kova tonari ka gute dong ine ngavati sirva ina egle nevlik e ngaklingen ngus-ngon omba e aragu nogrum. E mgongon ke kova esluk lumorwo tibublo e esluk lumorwo tonari isak Ida Tapolngon ano lumorwo.

Pelengon kukwopngon 8:10

Deka ensel eklu ina ipu ina kuliep blang. Deka gigimo omba ka eiou ngene langka esluk songon sirva e gene duru ke taklak. Deka langane. Langka tiwade aki ka suong ke omur eklu gigimo tonari gene duru ke aki keniye ke omur kene e gene duru ke ovuk keniye ka aki novlulvluk ine ke omur ari.