Matyu 24:49 - Aria New Testament

⁴⁹ Deka iye nogrum mluk wokboi nating leklou e ngen e inim aki dagar kap osep ka tinim pula ma amtarsak balilu.

Matyu 24:49 ပူးပေါင်းရင်းမြစ်များ

Matyu 18:28

“Deka gute tonari la e soson gute ka omur are ina plaungan silang ka due mani isuk boto vala langka 10 kina ke iye. E iye kis iye ke agune e wai ke iye langane. ‘Omkoli mani ka omdue ke ngong.’

Matyu 24:48

E langka wokboi nating iye soulu ma iye wai langane. ‘Ngau puda iding me dau kovok.’

Matyu 24:50

Deka wokboi nating tonari ina puda ma iding me ke oklou e aua ka gute tonari aitno mter ine kovok.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Jon 2:10

E iye wai langane. “Osep ka pula keniye leklou tidue aki wain itau mgo deka alo ka osep tinim pula tidue aki wain ka itau boto ma osep tinime. E omdue aki wain ka itau polou ke batne.”

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

1 Pita 5:3

Umodue elio ka opru osep ka Ida Tapolngon kar isak ke umu ma umaplau isak kovok. E umodue elio itau ma tivati umu e tiwaiki tikana lumu elio itau.

Pas ka Jut sogoe 1:12

Ngaile aling leklou umu ka Ida Tapolngon ila osep umoduni pulu ma umangen ngangon kesua umu lana umu pulu. E osep yakngan ina tonari tisep tidong kap umu blang. E isak tidong langka wan ka amum ka soulu lokono ke lumu duningen. Aitno lisak mter ke urok elio soulu kovok e aitno lisak mter ke isak tona vala. Isak langka gaup ke erei aitno ka aragu dong ine kovok e engen ipu isak kla suong. E silang isak langka akai ka tiusu otna kovok e osep tiblou isak tiduru ke taklak e tipi gigitno ke taklak. Osep soulu bitna tonari isak langka timete aling orwo kodong.

Pelengon kukwopngon 13:7

E Ida Tapolngon songon iye deka iye due evlei ke Ida Tapolngon ila osep. Iye due evlei ke isak deka mole isak. E iye due arit ma iye plau osep ke osua kene kene e osep ke omur ka pula keniye e osep ka tiwai tokples bitna bitna e osep ka tarna lisak bitna bitna.

Pelengon kukwopngon 16:6

Osep timluk osep napaprangan ina e lem osep leklou blang ma timete. Deka amkar marau ke osep tonari ma tinime e marau tonari koli batne ke urok elio soulu ka tidue.”

Pelengon kukwopngon 17:6

Deka ngavati apmang tonari inim Ida Tapolngon ila osep inarak marau. Timluk osep tonari ma timete kesua aitno lisak dagar ke Yesus e tididi iye. Ngavati apmang tonari inim osep inarak marau deka langka bitna balilu ine deka ngadigrik e aitno lungong mter pula ine.