Matyu 24:4 - Aria New Testament

⁴ E Yesus koli wai ke isak langane. “Umaplau umu itau lama osep tiyak umu.

Matyu 24:4 ပူးပေါင်းရင်းမြစ်များ

Mak 13:22

Ma osep yakngan ina time tiyak osep langka isak Krais lokono. E ma osep yakngan ina leklou time tiyak osep langka isak osep napaprangan ina lokono. Ma tidue elio arit ina e nisngen leklou kesua batne tiwaiki tipagolgol osep aitno lisak ka Ida Tapolngon rere isak ila osep.

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 5:6

Umeile umu itau lama osep leklou tipagolgol aitno lumu ke pelengon yakngan. Lama tipagolgol aitno lumu e umodue elio epmes ina bitna bitna. Kesua Ida Tapolngon aitno engil lokono ke osep ka tidue elio epmes ina bitna bitna e tiklingen ila pelengon kovok.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

2 Tesalonaika 2:3

Langka osep tiwaiki tiyak umu ke pelengon langane deka umoklingen ine kovok. Oklou tonari ma polou vala kovok. Aurou. Mgongon osep pula ma tipul dogur ke Ida Tapolngon deka gute ka Ida Tapolngon ina oul kene ina ma polou malak. E mase gute tonari ma kluk ke omur hel.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.