Matyu 24:3 - Aria New Testament

³ Mase alo ka Yesus dong ke gigri Oliv ila disaipel time ke iye e tiwai ke iye vala langane. “Ampalongo limem lesen ma wan ka amwai ine polou. E nisngen sua nis osep ke alo ka ma emiding omo e nis osep ke taklak ane ina yagosngon.”

Matyu 24:3 ပူးပေါင်းရင်းမြစ်များ

Matyu 13:36

Deka iye songon osep pula pula e sep ke ninu e ila disaipel time e tipmi iye langane. “Ampalongo limem ke pelengon ano ke aswei ka dong ke yage lana ine.”

Matyu 13:49

E elio langane ma polou alo ka wan keniye yagos. Ida Tapolngon ila ensel ma time e tipi osep soulu ma tidong kap osep ka tidong itau ke Ida Tapolngon bitna kovok.

Matyu 15:12

Deka ila disaipel time tiwai ke iye langane. “Emile osep Farisi ina tiklingen lem pelengon e aitno lisak soulu ine?”

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 17:19

Deka osep disaipel kla ke Yesus alo ka iye kene vala dong e tipmi iye langane. “Ina lange imakaranga imasapir angelo soulu tonari kovok?”

Matyu 21:1

Yesus gosok ila disaipel time olwo boto ke Jerusalem e tipolou ke armok Betfage ka dong ke gigri Oliv e Yesus pagei ila disaipel orwo kla ke armok tonari.

Matyu 24:27

Kesua Gute Ka Polou Langka Osep ma iding me langane. Iye polou langka aragu egle ka polou ke omur ka oklou tito ine ke sirva e la ke omur ka oklou duru ine ke sirva.

Matyu 24:30

Deka nisngen ke Gute Ka Polou Langka Osep ma polou ke sirva e osep ka pula keniye ke taklak ma tikngis. Ma tivati Gute Ka Polou Langka Osep me ke gaup ke sirva. Iye me kap ila bublongon e ila arit ka ombatno.

Matyu 24:37

Elio ka osep tidue alo ka Gute Ka Polou Langka Osep ma iding me isak eriar langka elio ka osep tidue oglou alo ka Noa dong.

Matyu 24:39

E osep tile ine kovok la lama ongon ombatno me paunim isak ka pula keniye e timete ine. E alo ka Gute Ka Polou Langka Osep ma polou eriar langka alo ari.

Matyu 24:43

E umeile itau ke wan langane. Langka ninu ina gute ile alo ka gute panakongon ina ma me ke epmes iye plau ninu itau e songon gute tonari sep ke ila ninu kovok.

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Luk 21:7

E Yesus ila disaipel tipmi iye langane. “Gute parerengen ina lesen ma elio ane polou? E nisngen sua polou ma imeile isuk boto elio ane ma polou?”

Aposel 1:7

Deka iye koli wai ke isak langane. “Oglou kodong Livou didi aitno deka rere wan bitna bitna keniye ka ma tipolou ke lesen ma tipolou. Iye tona ile ine e umeile ine kovok. Deka aitno lumu kro ke lesen ma wan bitna bitna tipolou kovok.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.