Matyu 24:24 - Aria New Testament

²⁴ Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 24:24 ပူးပေါင်းရင်းမြစ်များ

Matyu 22:14

E Yesus wai blang langane. “Ida Tapolngon gi ke osep pula ma tisep ke omur ka iye plaue e dau iye rere osep awal boto vala ma tisep ke omur tonari.”

Matyu 24:11

E osep napaprangan yakngan ina pula ma tipolou e tidue osep pula tididi elio soulu.

Matyu 24:22

E langka Ida Tapolngon due alo ari ina taim yari duru kovok osep ka pula keniye ma timete ine. E Ida Tapolngon aitno mter ke osep ka iye rere isak ila osep e iye due alo ari ina taim yari duru.

Matyu 24:25

Umoklingen. Ngawai ke umu oku ane ke wan ka ma polou.

Matyu 24:31

E kuliep ma wai omba e iye pagei ila ensel ke omur ka pula keniye ke taklak e tigom osep ka pula keniye ka iye rere isak ila osep.”

Matyu 24:5

Kesua osep pula ma tiwai langane. ‘Ngong gute Krais ka Ida Tapolngon rere ma ngalua osep.’ E tiyakyak osep pula ma tididi isak.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Mak 13:22

Ma osep yakngan ina time tiyak osep langka isak Krais lokono. E ma osep yakngan ina leklou time tiyak osep langka isak osep napaprangan ina lokono. Ma tidue elio arit ina e nisngen leklou kesua batne tiwaiki tipagolgol osep aitno lisak ka Ida Tapolngon rere isak ila osep.

Luk 18:7

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

Jon 4:48

E Yesus wai ke iye langane. “Langka umavati elio arit ina ka nisngen kovok ma aitno lumu la dagar ke Ida Tapolngon kovok.”

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Aposel 20:16

Oglou Pol aitno mter ma iye la lelei Efesus. Iye waiki dong ke Esia kovok kesua iye waiki suong polou ke Jerusalem. Ma iye dong ari alo ka tidue rogo ka osep Yuda ina tisire Pentikos.

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Galesia 4:15

Alo ari aitno lumu neser e aitno lumu itau ke ngong. E eknikane ina lange aitno lumu neser kovok? Ngawai lokono. Alo ari aitno lumu omba lokono ke ngong ma umawaiki umolua ngong. Langka umakaranga umepi omtomu deka umepie e umakar isak ke ngong.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

1 Jon 2:22

Gute ka yakngan ina iye gute sei? Iye gute ka wai langane. “Yesus iye gute Krais ka Ida Tapolngon rere ma iye lua osep kovok.” Gute ka wai langane iye Krais ina oul kene ina e iye pul dogur ke Pmada e Ida Tapolngon Otno Arang.

1 Jon 5:18

Iteile omur langane. Osep ka isak Ida Tapolngon ila osep tidue elio epmes ina aling aling kovok. Kesua Ida Tapolngon Otno Arang kis isak e plau isak itau e Satan karanga due elio soulu ke isak kovok.

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.