Matyu 24:14 - Aria New Testament

¹⁴ E osep ma tinapapra omon itau ka la ke omur ka Ida Tapolngon plaue ke omur ka pula keniye ke taklak ma osep tikaranga tiklingen ine deka taklak ina yagosngon ma polou.”

Matyu 24:14 ပူးပေါင်းရင်းမြစ်များ

Matyu 10:7

Alo ka umelila umanapapra omon langane. ‘Omur ka Ida Tapolngon plaue isuk boto polou.’

Matyu 18:19

“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due.

Matyu 24:3

Mase alo ka Yesus dong ke gigri Oliv ila disaipel time ke iye e tiwai ke iye vala langane. “Ampalongo limem lesen ma wan ka amwai ine polou. E nisngen sua nis osep ke alo ka ma emiding omo e nis osep ke taklak ane ina yagosngon.”

Matyu 24:6

E ma umoklingen ngusngon ke evlei olwo boto ke umu e umoklingen omon ke evlei mawa ke umu. E umaplau umu itau lama umedigrik ine kesua elio ane didi Ida Tapolngon aitno e taklak ina yagosngon ma polou dau kovok.

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Mak 13:10

Ma osep tinapapra omon itau ke omur ka pula keniye mgo deka mase alo ka pula ane ina yagosngon ma polou.

Luk 2:1

Alo ari Sisar Ogastus wai pelengon dagar ma tidue sensis ke osep ka pula keniye ka tidong ke omur omur ka iye vri mgo ine.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Luk 4:5

Deka Satan paur iye ke omur ka dong egim e ke aling kene lokono nis iye ke omur ka pula keniye ka osep tiplaue ke taklak.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 11:28

Gute napapra-ngan ina kene angaine Agabus. Ano Itau due aitno deka iye vri e wai sapanga ombatno ma polou ke omur ka pula keniye. Mase sapanga ombatno ka iye wai ine polou alo ka gute Klodius vri mgo ke omur ari.

Aposel 17:31

Kesua oglou kodong Ida Tapolngon rere oklou kene ma gute ka iye rere kodong ma iye didi ila elio itau e wade osep ka pula keniye ine. Pelengon ane lokono lokono kesua gute tonari mete kodong deka Ida Tapolngon due poga tito ke ina denga.”

Aposel 17:6

Tikrim ke isak e tipado isak kovok e tikis Jeson gosok osep Kristen leklou dagar e tidadai isak kla tipolou ke osep ka tiplau armok amtarsak. Deka tidaiku omba langane. “Osep ka tidue elio soulu polou ke omur ka pula keniye time ke limem armok ane blang.

Aposel 19:27

Deka dau tauni kovok Pol ila pelengon karanga due udo bokongon polou yagos. Oglou osep ka provins Esia ina keniye tilotuim ida tapolngon Artemis. E osep pula ka tidong ke omur pula leklou tilotuim iye blang. E eknikane isuk boto ma tidue anit ke Artemis ila ninu angaine kovok. E iye tona angaine duru blang kesua Pol ila pelengon pese.”

Aposel 20:25

“Oglou nganapapra ke umu ke alo ka Ida Tapolngon ma plau osep ka pula keniye. E eknikane ngaile ma umu keniye umavati ngong aling kene blang kovok.

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Hibru 1:6

E silang blang alo ka Ida Tapolngon pagei ina sirngen duru ke taklak iye wai langane. “Ma lou ensel ka pula keniye tilotuim iye.”

Hibru 2:5

Mase alo ka Ida Tapolngon ma due taklak oku ina polou ma iye rere ensel ma tiplaue kovok. Aurou.

Pelengon kukwopngon 14:6

Deka ngavati ensel silang kei la ke sirva. Iye napapra Ida Tapolngon ila pelengon itau ka dong vala dong ke osep ka pula keniye ka tidong ke taklak. Iye napapra ke osep ke omur kene kene e osep ke osua kene kene e ke osep ka tiwai tokples bitna bitna e ke osep ka tarna lisak bitna bitna.

Pelengon kukwopngon 16:14

Ansak eklu tonari isak angelo soulu ka tikaranga tidue elio arit ina bitna bitna. Isak kla ke osep ka tivri mgo ke omur ka pula keniye ke taklak e tigom isak ma tidue evlei alo ka Ida Tapolngon ka ila arit ombatno lokono ila oklou polou.

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.