Matyu 23:8 - Aria New Testament

⁸ E umosongon osep tisir umu gute parerengen ina kovok kesua lumu gute parerengen ina kene vala dong e umu keniye umodong eriar.

Matyu 23:8 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 23:10

E umosongon osep tisir umu ‘ida puda’ kovok kesua Upu Puda kene vala. Iye gute Krais ka Ida Tapolngon rere ma iye lua osep.

Matyu 23:7

Tiwaiki osep tidue anit ke isak e tiwai ‘oklou itau’ ke isak ke bilmu e tiwaiki osep tisir isak gute parerengen ina.

Matyu 26:25

Judas ka iye lai Yesus ina pmi iye langane. “Gute parerengen ina ma ngadue?” E Yesus koli wai ke iye langane. “Wom tona amwai ine.”

Matyu 26:49

E suong Judas me ke Yesus e wai ke iye langane. “Epmes itau gute parerengen ina.” E iye ngen banga.

Mak 10:51

Deka Yesus pmi iye langane. “Amwaiki ngalua wom ke elio lange?” Deka gute ka bitna evin wai langane. “Ngau Puda ngawaiki omdue omtongu tipolou itau ma ngakaranga ngavati omur blang.”

Mak 11:21

Deka Pita bitna sisir elio ka narep Yesus wai akai tonari ina soulu ina duru dong ine. Deka iye wai ke Yesus langane. “Ngau Puda amvati akai are ka narep amwai ina soulu ina duru dong ine iye keniye polou greng kodong.”

Mak 14:45

Osep tonari kla tipolou ke Yesus deka lokono Judas lai Yesus ina e wai ke iye langane. “Ngau Puda ane.” Deka iye ngen Yesus banga.

Mak 9:5

E Pita wai ke Yesus langane. “Ngau Puda aitno lungong mter are itau itodong ke omur ane. Ma imouri pengau eklu ke omur ane. Ma kene lem e silang Moses ila e silang blang Elaija ila.”

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Jon 1:38

Tididi iye deka Yesus bauluk e vati isak tididi iye e pmi isak langane. “Umawaiki umeile wansua?” E tikoli tiwai langane. “Rabai omdong ge?” Pelengon palma rabai lana ine gute parerengen ina.

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 11:8

E tikoli tiwai langane. “Rabai. Oglou sasi boto itodong ke omur are e osep Yuda ina tiwaiki tiuri opmu ke wom ma emmete e oku ane amwaiki emiding ke omur are?”

Jon 20:16

Deka Yesus wai langane. “Maria.” E Maria bauluk e wai ke iye langane. “Rabonai.” Pelengon palma rabonai iye pelengon Hibru palma ka lana ine gute parerengen ina.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 3:26

Deka isak kla ke Jon e tiwai langane. “Rabai gute ka amwai ke osep ine alo ka iye dong kap wom ke aki Jordan burla iye paunim osep blang. E osep pula pula isak kla ke iye.”

Jon 4:31

E alo ari Yesus ila disaipel tiwai ke iye langane. “Rabai emngen ngap ngangon.”

Jon 6:25

Alo ka tipado iye ke elim burla tipmi iye langane. “Rabai lesen ompolou ke omur ane?”

Jon 9:2

Deka ila disaipel tipmi iye langane. “Rabai sei ila elio epmes ina due gute ane bitna evin alo ka tna divir iye? Iye tona ila elio epmes ina koke timla koke tna urok elio epmes ina?”

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Efesus 3:15

Ngawai itau ke Ida Tapolngon ka Pmada lokono. Kesua ila osua keniye ka tidong ke omur heven e ka tidong ke taklak Pmarak lokono Ida Tapolngon. E iye kar isak angainsak.

Filemon 1:16

E oku ane aitno lugom mter iye lem wokboi nating vala kovok. Aurou. Aitno lugom mter iye wom supmu gesa ka aitno lugom itau ke iye. Ngong lana ngong ke iye e dau wom lana wom omba ke iye. Kesua iye lem wokboi nating e silang blang iye wom supmu gesa ke Krais ila osua.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.

1 Pita 5:3

Umodue elio ka opru osep ka Ida Tapolngon kar isak ke umu ma umaplau isak kovok. E umodue elio itau ma tivati umu e tiwaiki tikana lumu elio itau.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 22:9

Deka iye wai ke ngong langane. “Omdue langane sakam. Kesua ngong Ida Tapolngon ila gute bokongon ina langka wom e langka lem osua ka isak osep napaprangan ina e langka osep leklou blang ka tididi pelengon ane. Omlotuim Ida Tapolngon vala.”