Matyu 23:34 - Aria New Testament

³⁴ Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.

Matyu 23:34 ပူးပေါင်းရင်းမြစ်များ

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 23:31

E alo ka umawai langare umomulu umu tona kesua umesir umu osep tonari ka tidue burwa ke osep napaprangan ina urok napakngan.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 11:27

Alo ari osep napaprangan ina leklou tisongon Jerusalem e tiduru ke Antiok.

Aposel 12:2

Deka iye wai ke osep ola ina langane. “Umodue elil omba e umoblou Jon ina tovro Jems agune kopuk la ma iye mete.”

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 5:40

Osep tiklingen Gamaliel ila pelengon e tididie. Deka tigi osep aposel ma tipolou ke amtarsak blang. Deka tiules isak e tidangdang isak lama tinapapra osep ke Yesus ila omon itau blang deka tisongon isak kla.

1 Korin 2:6

Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.

Hibru 11:37

E tiuri opmu ke osep leklou ma timete ine e tiblou osep leklou ke so ma pampamu lisak polou orwo e tiblou osep leklou ke elil omba ma timete ine. E osep leklou ka aitno lisak dagar ke Ida Tapolngon urok molo kovok e titnei sipsip tarna koke meme tarna e tilila ine. Urok wan sasi boto vala e osep tidue agegeng ke isak ka opru isak.

Pelengon kukwopngon 11:10

Deka osep ka pula keniye ke taklak ma aitno lisak neser kesau osep napaprangan ina orwo timete. Deka ma osep tidue rogo e tivai presen bitna bitna ka tikar isak la pulu. Kesua alo ka isak orwo dau tidong tidue agegeng pula polou ke osep.