Matyu 22:4 - Aria New Testament

⁴ E aling silang iye vai ila wokboi nating leklou e wai ke isak langane. ‘Umawai ke osep ka ngawaiki time langane. “Umoklingen. Ngakere ngangon kodong. Osep tibisik bulmakau arang e bulmakau otno ka malugi omba e tikere wan keniye kodong. Umomo ke gingen ina rogo.”’

Matyu 22:4 ပူးပေါင်းရင်းမြစ်များ

Matyu 21:36

Aling silang yage ina gute pagei ila wokboi nating ke osep ka tidong tiboko ke yage e inarak sasa mole osep ka kla aling kene ina. E osep ka tiboko ke yage tonari tidue elio ke isak blang eriar langka tidue ke osep ka time aling kene ina.

Matyu 22:5

E osep tonari tiklingen gute ka vri mgo ke omur ila omon kovok e tididi aitno lisak vala. Gute kene la ke ila yage e gute silang la due burong.

Matyu 22:8

Deka iye wai ke ila osep bokongon ina langane. ‘Tikere gingen ina rogo kodong e dau osep ka ngawaiki time isak osep itau kovok e ngawaiki time kovok.

Luk 14:17

Alo ka rogo ina taim polou iye vai ila gute bokongon ina gesa ma iye wai ke osep langane. ‘Umomo kesua imekere rogo ina wan kodong.’

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.