Matyu 22:16 - Aria New Testament

¹⁶ E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 22:16 ပူးပေါင်းရင်းမြစ်များ

Matyu 22:24

Tiwai langane. “Gute parerengen ina Moses ila sogongon wai langane. ‘Langka gute gi e ila asap divir kovok e gute mete deka gute ina aiver ma gi asap batne tonari ma iye divir titno e tidong langka gute ka mete titno.’

Matyu 22:26

Gute orwo ina mete blang deka gute eklu ina gi iye deka mete blang la lama iding ke gute lumorwo ina gi iye deka mete.

Matyu 26:18

E iye koli wai ke isak langane. “Umesep ke armok e umala ke gute kene e umawai ke iye langane. ‘Ipem parerengen vai omon ke wom langane. “Alo ka osep tidue burwa ke ngong isuk boto polou e ngong kap lou disaipel ma imangen rogo ina ngangon ke lem ninu.”’”

Matyu 26:49

E suong Judas me ke Yesus e wai ke iye langane. “Epmes itau gute parerengen ina.” E iye ngen banga.

Mak 10:17

Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Mak 12:13

Deka osep leklou tipagei osep Farisi ina e osep ka Herot sisrok ke Yesus. Tidue elio langane kesua tiwaiki osep tonari titok iye ke pmingen leklou. E tiwaiki tiklingen ila kolingen e langka ila pelengon gesa soulu ma tisin elio vri ke iye.

Mak 12:14

Deka time tipolou ke Yesus e tiwai ke iye langane. “Gute parerengen ina imeile omur amwai lokono vala. Imeile omur omdue elio kene vala ke osep ka pula keniye lama angainsak omba koke angainsak omba kovok. E omdue anit ke osep batne angainsak omba langane kovok. E amwai lokono vala deka amparere osep itau ke Ida Tapolngon ila pelengon dagar. Deka imepmi wom langane. Langka imekli takis ke Sisar imadar Ida Tapolngon ila pelengon dagar koke aurou? Lange? Ma imekli takis koke aurou?”

Mak 3:6

Osep Farisi ina tivati elio tonari e aitno lisak nevlik amnga lokono ine. Deka tisongon duningen ina ninu e isak kla tipolou ke osep ka Herot sisrok. Deka osep Farisi ina e osep ka Herot sisrok tilalo pelengon ke elio ka tiwaiki tidue burwa ke Yesus.

Mak 8:15

Deka Yesus palongo urok langane. “Umeile umu itau ke osep Farisi ina e gute Herot urok yis e aitno lumu mter itau ine.”

Luk 20:21

E osep tonari tiwai langane. “Gute parerengen ina imeile amwai pelengon lokono e amparere osep ke pelengon lokono e amwai pelengon kene vala ke osep lama angainsak omba koke angainsak omba kovok. E amparere Ida Tapolngon ila elio ka didi pelengon lokono.

Luk 7:40

Deka Yesus wai ke gute tonari langane. “Saimon ngawaiki ngawai ke wom.” E Saimon koli wai ke iye langane. “Io gute parerengen ina amwai ke ngong.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 7:18

Gute ka didi aitno e wai ila pelengon due langane ma osep tikakai angaine tito. E gute ka waiki kakai gute ka pagei iye me angaine iye wai pelengon lokono vala e yakyak kovok.”

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

2 Korin 5:16

Ke oglou itawade Krais ke ilengen ka taklak ina e oku ane itawade iye langane kovok. E silang blang oku ane itedidi ilengen ka taklak ane ina e itawade osep ine kovok. Aurou.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

1 Tesalonaika 2:4

E Ida Tapolngon tok imi deka aitno itau ke imi e iye kar imi bokongon ka imanapapra omon itau ke umu. E aitno limi langka imanapapra omon itau ma imodue osep ma aitno lisak itau ke imi kovok. Aurou. Ida Tapolngon wade aitno limi e imawaiki ma aitno itau ke limem bokongon vala.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.