Matyu 20:19 - Aria New Testament

¹⁹ E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 20:19 ပူးပေါင်းရင်းမြစ်များ

Matyu 12:40

Jona dong ke lodu omba pele ke misuon oklou eklu eriar langka Gute Ka Polou Langka Osep ma dong ke ina denga oklou eklu.

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 17:23

E ma timluk ngong ma ngamete e mase oklou eklu mela yagos ma ngapoga ngatito ke ngau denga.” E ila disaipel aitno lisak soulu lokono ine.

Matyu 27:26

Deka Pailat songon Barabas ke isak e wai ma osep tiules Yesus deka tikar iye ke osep ma tinilim iye ke ina akai.

Matyu 27:63

E tiwai langane. “Gute namor emtemi sisir alo ka gute yakngan ina are dau dong iye wai langane. ‘Mase oklou eklu mela yagos ma ngapoga ngatito ke ngau denga.’

Mak 14:65

Deka osep leklou titito tiuru omsok ke iye. E osep leklou tikading Yesus bitna ke molo arlak deka timke iye ke limsak e tipmi iye langane. “Yesus. Amwai ke imi sei mluk wom?” Tidue elio langane deka osep ola ina limsak napaupau ke baraine.

Mak 15:1

Kotkotu lokono polou deka lokono osep loulou ina ka omba kap osep ka tile itau ke Moses ila sogongon e osep namormor e osep kaunsil ina tiduni pulu e tilalo pelengon ke elio ka tiwaiki Yesus mete. Tilalo pelengon yagos deka tipou Yesus e tipaur iye la polou ke Pailat bitna. Deka tikar iye ke Pailat.

Mak 15:15

Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.

Luk 18:32

Ma osep tikar iye ke osep ka isak osep Yuda ina kovok. Ma tidue apok ke iye e tidue elio soulu ke iye e tiuri omsok ke iye.

Luk 23:11

Deka Herot kap ila osep ola ina tidue elio soulu e tiwai apok ke iye. E titnei Yesus ke molo ka itau lokono e tivai iye iding ke Pailot.

Luk 24:46

E iye wai ke isak langane. “Osep tonari tisogo langane. ‘Gute Krais ka Ida Tapolngon rere ma iye lua osep ma namani elio soulu deka ke oklou eklu ina ma iye poga tito ke ina denga.’

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 21:11

Iye polou ke imi e due Pol ina let deka pou iye tona limla e kamla ine deka wai langane. “Eriar langka ngapou ngong ke let ane ma osep Yuda ina tipou let ane ina gute langane ke Jerusalem. Deka ma tipaur iye la ke osep ka isak osep Yuda ina kovok. Ngawai langane kesua Ano Itau wai ke ngong ine.”

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.