Matyu 2:2 - Aria New Testament

² “Mimi oku ka ma vri mgo ke osep Yuda ina dong ge? Kesua imavati gigimo ka nisngen ke iye polou ke limem omur e imeme ma imolotuim iye.”

Matyu 2:2 ပူးပေါင်းရင်းမြစ်များ

Matyu 2:3

Alo ka Herot ka vri mgo ke omur ari klingen ine aitno mter pula ine e osep ka pula keniye ke Jerusalem aitno lisak mter ine blang.

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Matyu 27:11

Yesus vri ke gute ka vri mgo ke osep Rom ina ke omur are bitna e gute tonari pmi iye langane. “Wom gute ka vri mgo ke osep Yuda ina?” E Yesus koli wai langane. “Wom tona amwai ine.”

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 23:3

E Pailot pmi Yesus langane. “Wom gute ka vri mgo ke osep Yuda ina?” Deka Yesus koli wai ke iye langane. “Wom tona amwai ine.”

Luk 23:38

E tidue sogongon dong egim ke Yesus ka wai langane. “Gute ane gute ka vri mgo ke osep Yuda ina.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 12:13

E tiblou ongup komo e isak kla ke iye e tidaiku omba langane. “Itakakai Ida Tapolngon angaine tito la egim. Ma Ida Tapolngon aitno itau itau ke gute ka me ke Ida Puda angaine. Iye gute ka ma vri mgo ke osep Israel ina.”

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 19:19

E Pailat sogo pelengon e tipoue ke Yesus ina akai e pelengon tonari langane. “Gute ane Yesus ka Nasaret ina ka iye gute ka vri mgo ke osep Yuda ina.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 9:38

Deka gute koli wai langane. “Puda. Aitno lungong dagar ke wom.” Iye wai langane deka grum kamla e lotuim Yesus.

Hibru 1:6

E silang blang alo ka Ida Tapolngon pagei ina sirngen duru ke taklak iye wai langane. “Ma lou ensel ka pula keniye tilotuim iye.”

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”